અભિનેત્રી જયા બચ્ચનને નથી પસંદ વેસ્ટર્ન કપડા
મુંબઈ, બોલિવુડનાં દિગ્ગજ અભિનેત્રી જયા બચ્ચન પોતાના વિચારો ખુલીને જાહેર કરવા માટે જાણીતા છે. પોતાની તીખી જીભ અને નીડર થઈને પોતાના અભિપ્રાયો રાખવા માટે જાણીતા છે. તેઓ સાચાને સાચું અને ખોટાને ખોટું કહેવાની હિંમત રાખે છે.
હાલમાં જ તેમણે દોહિત્રી નવ્યા નવેલી નંદાના પોડકાસ્ટમાં ભારતીય મહિલાઓના ફેશન સેન્સ પર ટિપ્પણી કરી છે. જેના કારણે તેઓ ફરી એકવાર ચર્ચામાં આવ્યા છે.
જયા બચ્ચને કહ્યું છે કે, ભારતીય કપડાના સ્થાને વેસ્ટર્ન કપડાને મહત્વ કેમ આપવામાં આવી રહ્યું છે? ભારતીય મહિલાઓની વેસ્ટર્ન કપડાની પસંદ પર સવાલ ઉઠાવતા તેમણે કહ્યું, “મને લાગે છે આપણે અજાણતા જ સ્વીકારી લીધું છે કે, વેસ્ટર્ન કપડા મહિલાઓને પુરુષ સમાન શક્તિ આપે છે. હું એક મહિલાને નારી શક્તિ તરીકે જાેવાનું પસંદ કરીશ. હું એમ નથી કહેતી કે જઈને સાડી પહેરો.
પરંતુ વેસ્ટર્નમાં પણ મહિલાઓ સારા કપડા પહેરે છે. જ્યારે તેમણે પેન્ટ પહેરવાનું શરૂ કર્યું ત્યારે બધું જ બદલાઈ ગયું. જાેકે, શ્વેતા બચ્ચનની દીકરી અને જયા બચ્ચનની દોહિત્રી નવ્યા નવેલી નંદાએ તરત જ પ્રતિક્રિયા આપી છે. તેણે કહ્યું કે, વેસ્ટર્ન કપડા કામ કરતી વખતે વધારે કમ્ફર્ટેબલ રહે છે.
“ઘણી મહિલાઓ ઘરની બહાર જઈને નોકરી કરે છે. સાડી પહેરવા કરતાં તેઓ એક જાેડી પેન્ટ અને ટી-શર્ટ પહેરીને સરળતાથી કામ કરી શકે છે”, તેમ નવ્યાએ ઉમેર્યું. દરમિયાન, નવ્યાએ એ મહિલા ઝ્રઈર્ં વિશે પણ વાત કરીએ જેઓ સાડી પહેરાવાનું પસંદ કરે છે.
પરંતુ જયાએ દાવો કર્યો કે આવું એટલા માટે છે કારણકે તેઓ સેલ્ફ મેડ અને આત્મવિશ્વાસુ છે. ઉલ્લેખનીય છે કે, નવ્યાના પોડકાસ્ટમાં તે નાની અને મમ્મી સાથે પીરિયડ્સ, સંબંધો વગેરે જેવા મુદ્દાઓ પર ચર્ચા કરી ચૂકી છે. દરમિયાન, વર્કફ્રંટની વાત કરીએ તો, જયા બચ્ચન ફિલ્મ ‘રોકી ઔર રાની કી પ્રેમકહાની’માં આલિયા ભટ્ટ, રણવીર સિંહ, ધર્મેન્દ્ર અને શબાના આઝમી સાથે જાેવા મળશે. આ ફિલ્મ ૨૮ એપ્રિલ ૨૦૨૩ના રોજ રિલીઝ થશે.SS1MS
