સુરતના વિવાન શાહે કોમનવેલ્થ યુથ ચેસ ચેમ્પિયનશીપમાં ગોલ્ડ જીત્યો
સુરત, સુરતના વિવાન શાહે તાજેતરમાં શ્રીલંકાની હોટેલ સિટ્રસ, વાસ્કાડુવા ખાતે આયોજિત કોમનવેલ્થ યુથ ચેસ ચેમ્પિયનશીપ દરમિયાન ઉત્કૃષ્ટ પ્રદર્શન કર્યું હતું.
અંડર-૧૦ ઓપન કેટેગરીમાં જાેરદાર પ્રદર્શન કરીને, સુરતનો વિવાન શાહ અપરાજિત રહ્યો હતો અને તેણે ૯ માંથી ૯ પોઈન્ટ હાંસલ કર્યા હતા જેના કારણે તે બોર્ડમાં ટોચ પર હતો અને ગોલ્ડ મેડલનો હકદાર બન્યો હતો.
અંડર-૧૪ ગર્લ્સ કેટેગરીમાં ફલક જાેની નાઈક દ્વારા સિલ્વર મેડલ અને અંડર-૧૦ ગર્લ્સ કેટેગરીમાં હાન્યા શાહે બ્રોન્ઝ મેડલ જીતીને અન્ય નોંધપાત્ર પ્રદર્શન કર્યું.આ તમામ ખેલાડીઓને પીએમઓ, કોલંબોમાં શ્રીલંકાના માનનીય વડાપ્રધાન દિનેશ ગુણવર્દના દ્વારા એવોર્ડ પ્રાપ્ત કરીને સન્માનિત કરવામાં આવ્યા હતા.
