જો હું ગુસ્સામાં આવી મામા-મામી માટે કંઈ બોલી જાઉ તો તે પ્રેમ છે
મુંબઈ, કૃષ્ણા અભિષેકે હાલમાં એક ઈવેન્ટમાં મામા ગોવિંદા અને તેમની પત્ની સુનીતા અહુજા સાથેના તેના પારિવારિક ઝઘડા વિશે વાત કરી હતી. એક્ટર-કોમેડિયનને જગજાહેર વિખવાદ વિશે પૂછવામાં આવ્યું અને તેના જવાબમાં તેણે કહ્યું હતું કે, દિવસના અંતે તેઓ પરિવાર જ છે તેમજ તેમની વચ્ચે ખૂબ જ પ્રેમ છે. ‘અમે એક પરિવાર છીએ. જે પણ કોન્ટ્રોવર્સી આવે છે તેને હું વધારે જાેતો નથી કારણ કે તેની પાછળ ઘણો પ્રેમ છે. જાે મારા મામી મારા પર ગુસ્સા છે તો તે પ્રેમ છે.
જાે હું કંઈ નારાજ થઈને કહું તો તે પ્રેમ છે. તો અંતમાં તે પારિવારિક મુદ્દો છે. તે પ્રેમની વાત છે, તેમ કૃષ્ણાએ એક ન્યૂઝ પોર્ટલને આપેલા ઈન્ટરવ્યૂમાં કહ્યું હતું. ૨૦૧૮માં એક ટીવી શોમાં ગોવિંદા અને તેમની પત્ની સુનીતા મહેમાન બનીને હાજર રહ્યા હતા. આ અંગે આડકતરી રીતે ઈશારો કરતી ટ્વીટ કૃષ્ણા અભિષેકની પત્ની કાશ્મીરા શાહે કરી હતી. કાશ્મીરાએ જે ટ્વીટ કરી હતી તે ગોવિંદા અને સુનીતાને પસંદ આવી નહોતી. તેમણે જાહેરમાં આ અંગે નારાજગી વ્યક્ત કરી હતી.
ત્યારથી જ તેમની વચ્ચેના સંબંધોમાં કડવાશ આવી હતી, જે આજે પણ યથાવત્ છે. કૃષ્ણા, જે પહેલા ધ કપિલ શર્મા શોનો ભાગ હતો તે જ્યારે પણ તેના મામા-માની મહેમાન તરીકે આમંત્રિત કરવામાં આવતા ત્યારે શૂટિંગથી દૂર રહેવાનું પસંદ કરતો હતો. આ માટે સાથી કલાકારો તેની મજાક પણ ઉડાવતા હતા.
કૃષ્ણા અભિષેકે અગાઉ કપરા સમયમાં મામા-મામીએ તેને મદદ કરી હોવાનું જણાવ્યું હતું. ગત મહિને એક ઈન્ટરવ્યૂમાં આ અંગે પ્રતિક્રિયા આપતી વખતે ગોવિંદા અને સુનીતાએ નારાજગી વ્યક્ત કરી હતી. તેમણે કહ્યું હતું કે, તેણે જે વાત કહી તે સંપૂર્ણરીતે સત્ય નથી. ભાણેજને આટલો સાચવ્યો તે માટે તેમને આજે પણ પસ્તાવો થઈ રહ્યો છે. આ સાથે મીડિયા સામે આવી બધી વાતો કરતાં પહેલા કૃષ્ણાને શરમ આવવી જાેઈએ તેમ પણ તેમણે કહ્યું હતું.
વર્ક ફ્રંટની વાત કરીએ તો, કૃષ્ણા અભિષેકે ગત વર્ષે ‘ધ કપિલ શર્મા શો’ને અલવિદા કહ્યું હતું. શોમાં તે અમિતાભ બચ્ચન, ધર્મેન્દ્ર તેમજ જેકી શ્રોફ જેવા કલાકારોની મિમિક્રી કરતો હતો. શો છોડતાં કપિલ શર્મા અને તેની વચ્ચે મતભેદ થયો હોવાની અટકળો પણ વહેતી થઈ હતી. જાે કે, હકીકતમાં એક્ટર ફિલ્મો અને ઓટીટી પ્લેટફોર્મ પર કામ કરવા માગતો હોવાથી આ ર્નિણય લીધો હતો. શોના દર્શકો આજે પણ તેને સ્ક્રીન પર મિસ કરે છે.SS1MS
