અફઘાનિસ્તાનમાં સ્કૂલની ૮૦ છોકરીઓને ઝેર અપાયું
પ્રતિકાત્મક
(એજન્સી)નવી દિલ્હી, તાલિબાનના દેશમાં છોકરીઓના અધિકારો તો છીનવાઈ જ રહ્યા છે પરંતુ તેમની જિંદગી સાથે પણ રમત રમાઈ રહી છે. ક્યારેક શરિયતના કાયદાને ટાંકીને તેમના અધિકારો છીનવી લેવામાં આવે છે, તો શાળાઓમાં શિક્ષણને લઈને વિવિધ પ્રકારના કડક નિયમો લાદવામાં આવે છે.
તાજા મામલામાં તાલિબાન દેશ અફઘાનિસ્તાનથી મોટા સમાચાર આવી રહ્યા છે. અહીં શાળાએ જતી ૮૦ છોકરીઓને ઝેર આપવામાં આવ્યું છે. ઉત્તર અફઘાનિસ્તાનમાં બે અલગ-અલગ ઘટનાઓમાં ૮૦ પ્રાથમિક શાળાની છોકરીઓને ઝેર આપવામાં આવ્યું હતું.
ઝેરથી પીડિત આ છોકરીઓને હોસ્પિટલમાં દાખલ કરવામાં આવી છે. એક સ્થાનિક શિક્ષણ અધિકારીએ રવિવારે આ માહિતી આપી હતી. ઓગસ્ટ ૨૦૨૧માં તાલિબાન સત્તામાં આવ્યા અને અફઘાન મહિલાઓ અને છોકરીઓના અધિકારો અને સ્વતંત્રતાઓ પર કબજાે જમાવ્યો ત્યારથી આ આવો પહેલો કેસ હોવાનું માનવામાં આવે છે.
દેશમાં છોકરીઓને છઠ્ઠા ધોરણથી આગળ ભણવા પર પ્રતિબંધ છે. શિક્ષણાધિકારીએ વિગતો આપતાં જણાવ્યું હતું કે ઝેર આપનાર વ્યક્તિની અંગત અદાવત હતી. આ ઘટનાઓ શનિવાર અને રવિવારે સર-એ-પુલ પ્રાંતમાં બની હતી. જ્યારથી અફઘાનિસ્તાનમાં તાલિબાન સત્તા પર આવ્યા છે,
વિકાસના માર્ગને અનુસરવાને બદલે, તાલિબાને માત્ર અફઘાન લોકોના મૂળભૂત અધિકારો સાથે છેડછાડ કરી છે. યુએનએ પણ આ અંગે તાલિબાનને સલાહ આપી હતી, પરંતુ તેની કોઈ અસર થઈ ન હતી. તાજેતરમાં તાલિબાન દ્વારા મહિલાઓની નોકરીઓ પર પ્રતિબંધના કારણે સંયુક્ત રાષ્ટ્રના આંતરરાષ્ટ્રીય મિશનને પણ આંચકો લાગ્યો છે. તાલિબાનના ર્નિણયથી લાખો લોકોને જીવનરક્ષક સહાય પહોંચાડવાના યુએન મિશનને મોટો ફટકો પડ્યો.
આ મિશનમાં સેંકડો અફઘાન મહિલાઓ કામ કરતી હતી. પરંતુ તેમના પર પ્રતિબંધના કારણે સેંકડો પુરુષોને પણ ઘરે બેસી રહેવું પડ્યું હતું. આનાથી સંયુક્ત રાષ્ટ્રના આંતરરાષ્ટ્રીય મિશનમાં અવરોધ ઊભો થયો. શિક્ષણ અધિકારીએ જણાવ્યું હતું કે ઝેર આપનાર વ્યક્તિની અંગત અદાવત હતી, પરંતુ તેનો ખુલાસો કર્યો ન હતો.
આ હુમલા શનિવાર અને રવિવારે સર-એ-પુલ પ્રાંતમાં થયા હતા. શિક્ષણ વિભાગના વડા મોહમ્મદ રહેમાનીએ જણાવ્યું હતું કે સંઘચરક જિલ્લામાં લગભગ ૮૦ વિદ્યાર્થીનીઓને ઝેર આપવામાં આવ્યું હતું. તેમણે કહ્યું કે નસવાન-એ-કબાદ અબ સ્કૂલમાં ૬૦ વિદ્યાર્થીઓ અને નસવાન-એ-ફૈઝાબાદ સ્કૂલમાં ૧૭ અન્ય વિદ્યાર્થીઓને ઝેર આપવામાં આવ્યું હતું.
