કેદારનાથ ધામના દરવાજા ભક્તો માટે ખોલવામાં આવ્યા
ઉત્તરાખંડ, ઉત્તરાખંડમાં કેદારનાથ ધામના દરવાજા ખોલવાની સાથે ચાર ધામ યાત્રા શરૂ થઈ ગઈ છે. અક્ષય તૃતીયાના પાવન અવસર પર ચારધામ યાત્રાનો પ્રારંભ થયો છે. મુખ્યમંત્રી પુષ્કર સિંહ ધામી કેદારનાથ પહોંચી ગયા છે.કેદારનાથ ધામના દરવાજા સવારે ૭.૧૦ વાગ્યે ભક્તો માટે ખોલવામાં આવ્યા હતા.
આ પછી યમુનોત્રી ધામના દ્વાર સવારે ૧૦.૨૯ કલાકે અને ગંગોત્રી ધામના દ્વાર સવારે ૧૨.૨૫ કલાકે ખોલવામાં આવશે. ઉત્તરાખંડના મુખ્યમંત્રી પુષ્કર સિંહ ધામી દર્શન અને નિરીક્ષણ માટે સવારે સાત વાગ્યે કેદારનાથ ધામ પહોંચશે.
ઉત્તરાખંડના મુખ્યમંત્રી પુષ્કર સિંહ ધામીએ કહ્યું કે આજે અક્ષય તૃતીયાના શુભ અવસર પર કેદારનાથ ધામ, યમુનોત્રી ધામ અને ગંગોત્રી ધામના દરવાજા સંપૂર્ણ વિધિ સાથે દર્શન માટે ખોલવામાં આવશે. ચારધામ યાત્રા માટે તમામ ભક્તોનું હાર્દિક સ્વાગત અને અભિનંદન. કેદારનાથ ઉત્તરાખંડના રૂદ્રપ્રયાગ જિલ્લામાં ભગવાન શિવનું પવિત્ર સ્થાન છે.
દર વર્ષે લાખો લોકો અહીં દર્શન માટે આવે છે. કેદારનાથની ગણતરી ભગવાન શિવના બાર જ્યોતિ‹લગ અને પંચ કેદારમાં પણ થાય છે. કેદારનાથ મંદિરમાં સ્થાપિત શિવલિંગ સ્વાવલંબી છે. જેના કારણે મંદિરનું મહત્વ વધી જાય છે.બદ્રીનાથને ચાર ધામોમાંથી એક મુખ્ય ધામ ગણવામાં આવે છે. તે હિમાલયની પર્વતમાળામાં અલકનંદા નદીના કિનારે આવેલું છે. આ મુખ્યત્વે ભગવાન વિષ્ણુનું મંદિર છે. અહીં નર અને નારાયણની પૂજા થાય છે.
