ઓપરેશન સિંદૂરથી અયોધ્યામાં ધ્વજારોહણ સુધી: PM મોદી માટે યાદગાર રહ્યું વર્ષ 2025

• બિહાર વિજયથી લઈને દુનિયાના સૌથી ઊંચા બ્રિજ સુધી: પીએમ મોદીના 2025ના યાદગાર પ્રસંગો

• પીએમ મોદીનું વર્ષ 2025: સુરક્ષા, શાસન અને જન-સંપર્કનો અદભૂત સમન્વય

નવી દિલ્હી,  પ્રધાનમંત્રી નરેન્દ્ર મોદી માટે વર્ષ 2025 રાષ્ટ્રીય સુરક્ષા, સુશાસન, મુત્સદ્દીગીરી અને અતૂટ આધ્યાત્મિક શ્રદ્ધાનું વર્ષ બની રહ્યું. ઓપરેશન સિંદૂરથી માંડીને અયોધ્યાના રામ મંદિરમાં ‘ધર્મ ધ્વજા’ના રોહણ સુધી, આ વર્ષ પીએમ મોદીના નિર્ણાયક નેતૃત્વ અને સામાન્ય માનવી સાથેના તેમના જોડાણનું સાક્ષી બન્યું છે.

બિહારમાં ઐતિહાસિક વિજય અને રાજકીય કદ

વર્ષ 2025ની સૌથી મોટી રાજકીય ઘટના બિહાર વિધાનસભાની ચૂંટણીમાં NDAનો ભવ્ય વિજય રહ્યો. 243માંથી 202 બેઠકો જીતીને ભાજપ ગઠબંધને વિરોધ પક્ષોનો સફાયો કર્યો. દિલ્હીમાં વિજય ઉત્સવ દરમિયાન મુખ્યમંત્રી નીતિશ કુમાર સાથે પીએમ મોદીની ‘ગમછા’ ક્ષણ સોશિયલ મીડિયા પર ખૂબ વાયરલ થઈ હતી.

રાષ્ટ્રીય સુરક્ષા: ‘ઓપરેશન સિંદૂર’

પહલગામ આતંકી હુમલા બાદ ભારત દ્વારા પાકિસ્તાન અને PoKમાં આતંકી ઠેકાણાઓ પર વળતો પ્રહાર કરવા માટે ‘ઓપરેશન સિંદૂર’ શરૂ કરવામાં આવ્યું હતું. પીએમ મોદીએ સેનાને ‘ફ્રી હેન્ડ’ આપ્યો અને સફળતા બાદ પંજાબના આદમપુર એરફોર્સ સ્ટેશન પર જઈને જવાનોનો ઉત્સાહ વધાર્યો હતો. દિવાળી દરમિયાન INS વિક્રાંત પર વાયુશક્તિના પ્રદર્શનના તેઓ સાક્ષી બન્યા હતા.

न भूतो न भविष्यति જેવું અદભુત આયોજન કરી ઓપરેશન સિંદૂરની ભવ્ય સફળતાને આવકારવાની ક્ષણ એટલે વિજયોત્સવ

વિકાસની નવી ઊંચાઈ: ચેનાબ બ્રિજ

જમ્મુ-કાશ્મીરમાં રિયાસી જિલ્લામાં સ્થિત વિશ્વના સૌથી ઊંચા રેલ્વે આર્ચ બ્રિજ (ચેનાબ બ્રિજ) પર પીએમ મોદીએ તિરંગો લહેરાવ્યો હતો. આ પુલ એફિલ ટાવર કરતા પણ 35 મીટર ઊંચો છે અને કાશ્મીરને ભારત સાથે જોડતી મહત્વની કડી છે.

આધ્યાત્મિક યાત્રા અને વિરાસત

“જય શ્રી રામ”થી ગુંજી ઉઠ્યું અયોધ્યાઃ આજે ‘ધ્વજારોહણ ઉત્સવ’: PM મોદીનું ભવ્ય સ્વાગત

વર્ષ 2025માં પીએમ મોદીએ સંસ્કૃતિ અને આસ્થાને પ્રાધાન્ય આપ્યું:

• અયોધ્યા: રામ મંદિરના શિખર પર પીએમ મોદી, મોહન ભાગવત અને યોગી આદિત્યનાથે ‘ધર્મ ધ્વજા’ લહેરાવી.

• મહાકુંભ: પ્રયાગરાજમાં મહાકુંભ 2025 દરમિયાન ત્રિવેણી સંગમમાં પવિત્ર ડૂબકી લગાવી.

• અન્ય મુલાકાત: શ્રીલંકાના અનુરાધાપુરાથી લઈને તમિલનાડુના ગંગાઈકોંડા ચોલપુરમ અને કર્ણાટકના શ્રી કૃષ્ણ મઠ સુધીની યાત્રા કરી.

વૈશ્વિક પ્રભાવ અને મિત્રતા

આંતરરાષ્ટ્રીય સ્તરે પીએમ મોદીનો દબદબો જોવા મળ્યો. રશિયાના પ્રમુખ પુતિન અને ચીનના રાષ્ટ્રપતિ શી જિનપિંગ સાથેની તેમની મુલાકાતે વિશ્વનું ધ્યાન ખેંચ્યું. ફેબ્રુઆરીમાં વોશિંગ્ટનની મુલાકાત દરમિયાન રાષ્ટ્રપતિ ડોનાલ્ડ ટ્રમ્પે પીએમ મોદીને પુસ્તક ભેટ આપ્યું, જેના પર લખ્યું હતું, “મિસ્ટર પ્રાઇમ મિનિસ્ટર, યુ આર ગ્રેટ”.

જનતા સાથેનું ભાવનાત્મક જોડાણ

પીએમ મોદીની નરમ બાજુ તેમના બાળકો સાથેના સંવાદમાં જોવા મળી. ‘પરીક્ષા પે ચર્ચા’ હોય કે US વાઇસ પ્રેસિડેન્ટ જે.ડી. વેન્સના બાળકો સાથેની મજાક, આ ક્ષણોએ લોકોના દિલ જીતી લીધા. હરિયાણામાં પીએમ મોદીએ રામપાલ કશ્યપ નામના વ્યક્તિને જૂતા ભેટ આપ્યા હતા, જેમણે 14 વર્ષથી મોદી પીએમ ન બને ત્યાં સુધી જૂતા ન પહેરવાની બાધા રાખી હતી.

નદીના તળિયાથી 359 મીટર ઊંચો સલાલ ડેમ નજીક ચેનાબ નદી પરનો બ્રીજ

પ્રધાનમંત્રી નરેન્દ્ર મોદીની વર્ષ ૨૦૨૫ની સફર રાષ્ટ્રીય સુરક્ષા, શાસન, મુત્સદ્દીગીરી, આધ્યાત્મિકતા અને ઊંડા માનવીય સંબંધોના સમન્વય સમાન રહી હતી. ‘ઓપરેશન સિંદૂર’થી લઈને અયોધ્યાના રામ મંદિરમાં આયોજિત ‘ધ્વજારોહણ ઉત્સવ’ સુધી, આ આખું વર્ષ ભક્તિ, નિર્ણાયક નેતૃત્વ, વિકાસના સીમાચિહ્નો અને જન-ભાગીદારીનું એક આબેહૂબ ચિત્ર બનીને ઉભરી આવ્યું છે.

પ્રધાનમંત્રીનું વર્ષ દરમિયાનનું કેલેન્ડર નાગરિકો સાથેના હૃદયપૂર્વકના સંવાદો, પવિત્ર મંદિરોની મુલાકાત, સરહદી વિસ્તારોમાં વ્યૂહાત્મક પહોંચ, મોટા ઈન્ફ્રાસ્ટ્રક્ચર પ્રોજેક્ટ્સનું ઉદ્ઘાટન અને નિરીક્ષણ તેમજ છેવાડાના માનવીને સશક્ત બનાવવાના કાર્યક્રમોથી ભરેલું રહ્યું હતું. આમાંની ઘણી ક્ષણો તસવીરોમાં કેદ થઈ હતી, જે narendramodi.in પર શેર કરવામાં આવી હતી અને આખા વર્ષની દ્રશ્ય સ્મૃતિ બની રહી હતી.

વર્ષ ૨૦૨૫ની સૌથી મહત્વપૂર્ણ રાજકીય ઘટના બિહાર વિધાનસભા ચૂંટણીમાં ભારતીય જનતા પાર્ટીના નેતૃત્વ હેઠળના NDAનો ભવ્ય વિજય હતો. NDAએ ૨૪૩માંથી ૨૦૨ બેઠકો મેળવીને રાષ્ટ્રીય જનતા દળના નેતૃત્વ હેઠળના મહાગઠબંધનને પરાજિત કર્યું હતું. વિજય બાદ ભાજપ મુખ્યાલય ખાતે પ્રધાનમંત્રી મોદી અને મુખ્યમંત્રી નીતિશ કુમારની ‘ગમછા’ વાળી ક્ષણ હેડલાઇન્સમાં છવાયેલી રહી હતી.

રાષ્ટ્રીય સુરક્ષાના મોરચે ‘ઓપરેશન સિંદૂર’ આ વર્ષનું નિર્ણાયક પ્રકરણ રહ્યું. પહલગામમાં થયેલા આતંકી હુમલા બાદ, ભારતે પાકિસ્તાન અને પાકિસ્તાન અધિકૃત કાશ્મીર (PoK) માં ઉચ્ચ સ્તરીય આતંકી ઠેકાણાઓ સામે નિર્ણાયક લશ્કરી કાર્યવાહી શરૂ કરી હતી. આ તબક્કા દરમિયાન પીએમ મોદીએ સંરક્ષણ મંત્રી અને ત્રણેય પાંખના વડાઓ સાથે બેઠકો કરી સેનાને આતંક વિરુદ્ધ કાર્યવાહી કરવા માટે ‘ફ્રી હેન્ડ’ આપ્યો હતો. ઓપરેશનની સફળતા બાદ તેમણે પંજાબના આદમપુર એરફોર્સ બેઝ પર જવાનો સાથે સમય વિતાવ્યો હતો.

ઈન્ફ્રાસ્ટ્રક્ચર ક્ષેત્રે જમ્મુ-કાશ્મીરમાં રિયાસી જિલ્લામાં સ્થિત વિશ્વના સૌથી ઊંચા રેલ્વે આર્ચ બ્રિજ ‘ચેનાબ બ્રિજ’ની તેમની મુલાકાત યાદગાર રહી હતી. ૩૫૯ મીટરની ઊંચાઈ ધરાવતો આ બ્રિજ એફિલ ટાવર કરતા પણ ૩૫ મીટર વધુ ઊંચો છે.

આધ્યાત્મિકતાના ક્ષેત્રમાં, પીએમ મોદીએ RSS પ્રમુખ મોહન ભાગવત અને ઉત્તર પ્રદેશના મુખ્યમંત્રી યોગી આદિત્યનાથ સાથે અયોધ્યામાં શ્રી રામ જન્મભૂમિ મંદિરના શિખર પર પવિત્ર ‘ધર્મ ધ્વજા’ લહેરાવી હતી. આ ઉપરાંત તેમણે તમિલનાડુમાં ગંગાઈકોંડા ચોલપુરમ મંદિર, ગોવામાં શ્રી સંસ્થાન ગોકર્ણ પરતગલી જીવોત્તમ મઠ અને શ્રીલંકાના અનુરાધાપુરાની મુલાકાત લીધી હતી. તેમણે પ્રયાગરાજમાં મહાકુંભ ૨૦૨૫ દરમિયાન ત્રિવેણી સંગમમાં પવિત્ર સ્નાન પણ કર્યું હતું.

વૈશ્વિક મંચ પર રશિયન રાષ્ટ્રપતિ વ્લાદિમીર પુતિન અને ચીની રાષ્ટ્રપતિ શી જિનપિંગ સાથેની તેમની મુલાકાતોએ આંતરરાષ્ટ્રીય ધ્યાન ખેંચ્યું હતું. ફેબ્રુઆરીમાં વોશિંગ્ટનની મુલાકાત વખતે રાષ્ટ્રપતિ ડોનાલ્ડ ટ્રમ્પે તેમને એક પુસ્તક ભેટ આપ્યું હતું જેમાં લખ્યું હતું, “મિસ્ટર પ્રાઇમ મિનિસ્ટર, યુ આર ગ્રેટ”.

આ વર્ષે પીએમ મોદીના બાળકો અને પ્રાણીઓ પ્રત્યેના પ્રેમના વીડિયો અને તસવીરો પણ વાયરલ થયા હતા. તેમણે ગીર નેશનલ પાર્કની મુલાકાત લઈને વન્યજીવ સંરક્ષણ પ્રત્યેની તેમની કટિબદ્ધતા દર્શાવી હતી. રમતગમત ક્ષેત્રે તેમણે વિશ્વ વિજેતા ભારતીય મહિલા ક્રિકેટ ટીમ અને અંધ મહિલા ક્રિકેટ ટીમ સાથે પણ મુલાકાત કરી હતી.

વર્ષના અંતમાં, પીએમ મોદીએ દિલ્હીના કેથેડ્રલ ચર્ચમાં નાતાલની પ્રાર્થનામાં ભાગ લીધો હતો. આ રીતે વર્ષ ૨૦૨૫ પીએમ મોદી માટે સત્તા, આસ્થા, મુત્સદ્દીગીરી અને જનતા સાથેના અતૂટ જોડાણનું વર્ષ બની રહ્યું.