વર્ષ ર૦૩૦ના કોમનવેલ્થ ગેમ્સ માટે ગુજરાત અને UK વચ્ચે ભાગીદારી મજબૂત બનશે
(એજન્સી)અમદાવાદ, અમદાવાદમાં બ્રિટીશ ડેપ્યુટી હાઈ કમીશન અને ગુજરાત સરકારના સંયુકત ઉપક્રમે કોમનવેલ્થ ડે નીમીતી ઉચ્ચ સ્તરીય રાઉન્ડ ટેબલ બેઠકનું આયોજન કરાયું હતું. આ બેઠકનો મુખ્ય ઉદેશ્ય યુકે ગુજરાત કોમનવેલ્થ હેઠળ રમતગમત સ્માર્ટ ઈન્ફ્રાસ્ટ્કચર અને ઈનોવેશન જેવા ક્ષેત્રોમાં સહયોગ વધારવાનો છે.
અમદાવાદ જયારે વર્ષ ર૦૩૦માં કોમનવેલ્થ ગેમ્સના યજમાન બનવા તરફ આગળ વધી રહયું છે.
ત્યારે બ્રિટીશ કંપનીઓએ આ કાર્યક્રમમાં અત્યાધુનીક સોલ્યુશન અને વિશ્વસ્તરીય રમતગમત માળખાકીય સુવિધાઓ વિકસાવવા માટે પોતાની તત્પરતા દર્શાવી છે. યુકે પાસે મોટા પાયે આંતરરાષ્ટ્રીય રમતગમત સ્પર્ધાઓના આયોજનનો બહોળો અનુભવય છે. જેનો લાભ ગુજરાતના સ્પોર્ટસ ઈકો સીસ્ટમ મળશે.
આ પ્રસંગે ગુજરાત રમતગમત અને સાસકૃતિક પ્રવૃત્તિઓના મંત્રી ડો. જયરામભાઈ ગામીતે આ સહયોગને આવકાર્યો હતો. બીજી તરફ ગુજરાત અને રાજસ્થાનના બ્રીટીશ ડેપ્યુટી હાઈકમીશ્નર સ્ટીફન હિકલીગે જણાવ્યું હતું કે કોમનવેલ્થની સૌથી મોટી તાકાત તેની વિવિધતા છે.
અમે અમદાવાદમાં ર૦૩૦ના કોમનવેલ્થ ગેમ્સની આતુરતાથી રાહ જોઈ રહયા છીએ. બ્રિટીશ કંપનીઓ ગુજરાતની આ મહાત્વાકાંક્ષાને સમજીને ભારતીય ભાગીદારી સાથે મળીને જાહેર કાર્યક્રમ અને સ્પોર્ટસ ઈન્સ્ફ્રાસ્ટક્ચરમાં પોતાનું કૌશલ્ય આપતા ઉત્સુક છે.
બેઠકમાં ભારત અને યુકે વચ્ચેના દિ્પક્ષીય વેપારમાં નોધપાત્ર પ્રગતી અંગે ચર્ચા થઈ હતી જે મુજબ બંને દેશો વચ્ચેનો વેપાર હાલમાં ૪૭.૪ અબજ સુધી પહોચ્યો છે. આ ભાગીદારીથી બંને દેશોમાં અંદાજે ૬,૦૦,૦૦૦ થી વધુ રોજગારીની તકો ઉભી થઈ છે. આ રાઉન્ડ ટેબલ બેઠક બાદ બ્રિટીશ ડેપ્યુટી હાઈ કમીશ્નર દ્વારા એક વિશેષ રીસેપાનનું આયોજન કરવામાં આવ્યું હતું.
જેમાં સરકારી અધિકારીઓ અને ઉધોગ જગતના અગ્રણીઓ વચ્ચે બીઝનેસ ટુ બીઝનેસ જોડાણ વધુ મજબુત કરવા ચર્ચા થઈ હતી. વર્ષ ર૦ર૬માં ગ્લાસગો ખાતે યોજાનાર કોમનવેલ્થ ગેમ્સ બાદ હવે સૌની નજર અમદાવાદ પર છે જયાં બ્રિટીશ ટેકનોલોજી અને ગુજરાતની કાર્યશકિતનો સંગમ જોવા મળશે.
