૫૭.૯૦ લાખનું સાયબર ફ્રોડ કરનાર ચાઇનીઝ ગેંગના છ શખ્સો ઝડપાયા

અમદાવાદ, શીલજના વૃદ્ધ વકીલને લગ્નની લાલચ આપી ઇટલીમાં સેટલ થવાનું કહેનાર યુવતીએ ક્રિપ્ટો કરન્સીમાં રોકાણના નામે વકીલને રૂ. ૫૭.૯૦ લાખનો ચૂનો લગાવ્યો હતો.

ચાઇનીઝ ગેંગ દ્વારા ઓપરેટ થતી આ ઠગાઈની ઘટનામાં અમદાવાદ ક્રાઇમ બ્રાંચે ૬ આરોપીઓને ઝડપી લીધા છે. જ્યારે ચાઇનીઝ ગેંગ માટે કામ કરતો મયૂર સાવલિયા નામનો માસ્ટરમાઇન્ડ દુબઇમાં હોઈ તેને વોન્ટેડ જાહેર કરી વધુ તપાસ કરવામાં આવી રહી છે.

હાલ મયૂર દુબઇની જેલમાં હોવાની વિગતો પોલીસને મળી છે. માસ્ટરમાઇન્ડ મયૂરે થાઇલેન્ડ અને લાઓસના કોલ સેન્ટરોમાં પણ કામ કર્યું છે. એડવોકેટને જે ફેસબુક પરથી સંપર્ક કરાયો હતો તે કંબોડિયાથી ઓપરેટ થતું હોવાની વિગતો પણ પોલીસને મળી છે. આ ટુકડી જરૂરિયાતમંદ લોકોના નામે બેંક એકાઉન્ટ ખોલાવી તેને ચાઇનીઝ ગેંગને આપતી હતી. આવા ખાતેદારોને મોટા ટ્રાન્જેક્શન થવાના હોય ત્યારે દિલ્હીમાં લઇ જઈને હોટલમાં રાખવામાં આવતા હતા.

તમામ ટ્રાન્જેક્શન પર ગેંગને તેમનું કમિશન મળી જતું હતું.અમદાવાદના વૃદ્ધ વકીલે ૫૭.૯૦ લાખની સાયબર ઠગાઈની ફરિયાદ નોંધાવી હતી. તરત જ સાયબર ક્રાઇમ બ્રાંચના હાર્દિક માંકડિયા અને પી.વી. વાઘેલાએ તપાસ શરૂ કરી હતી. વૃદ્ધ પાસેથી ગયેલા રૂપિયા પૈકી ૯ લાખ તાહીર અને મકસુદની કંપનીમાં ટ્રાન્સફર થયા હોવાનું ધ્યાને આવતાં પોલીસે તરત જ તેમની ધરપકડ કરી હતી.

તેમની સાથે સંકળાયેલા અદનાન અને એઝાઝની બોગસ કંપનીઓની વિગતો પણ સામે આવી હતી. તેમને પણ ઝડપી લેવામાં આવ્યા હતા. હવે આ બોગસ બેંક એકાઉન્ટ જેના ઇશારે ઓપરેટ થતા હતા તે ઓમકાર ભારતીની પણ ધરપકડ કરવામાં આવી હતી. ઓમકાર ભારતી સાથે સંકળાયેલો દિલ્હીની સની મગો ચાઇનીઝ ગેંગ માટે કામ કરતા દુબઇના મયૂર સાવલિયાને એકાઉન્ટ પ્રોવાઇડ કરતો હતો.

સાથે સાથે જે એકાઉન્ટમાં સાયબર ફ્રોડના રૂપિયા ટ્રાન્સફર થવાના હોય તે ખાતેદારોને ઓમકાર દિલ્હી લઇ જતો હતો. જ્યાં સની તેમને હોટલમાં રાખતો હતો. ટ્રાન્જેક્શન થઈ ગયા બાદ ટ્રાન્જેક્શનના ૫ થી ૧૦ ટકા તેમને કમિશન મળતું હતું. પ્રાથમિક તપાસમાં મયૂર સાવલિયા હાલ દુબઇની જેલમાં હોવાનું અને એડવોકેટ સાથે ઠગાઇ માટે જે ફેસબુક એકાઉન્ટનો ઉપયોગ થયો હતો.

તે કંબોડીયાથી ઓપરેટ થતું હોવાની વિગતો ખૂલી રહી છે.દિલ્હીના સની મગોએ આઇટીમાં બીટેક સુધીનો અભ્યાસ કર્યાે છે. તે ક્રોકરીનો બિઝનેસ કરતો હતો. જેમાં નુકસાન જતાં તે અન્ય સારા વિકલ્પ માટે સપ્ટેમ્બર ૨૦૨૫માં દુબઇ ગયો હતો. જ્યાં તેની મુલાકાત મયૂર સાવલિયા સાથે થઈ હતી. મયૂરે આ સાયબર ળોડ માટે એકાઉન્ટ પ્રોવાઇડ કરીને લાખો રૂપિયા કમાવાની લાલચ આપી.

સાથે સાથે ઓમકાર સાથે વાત પણ કરાવી દીધી હતી અને મગો સાયબર ળોડ કરતી ચાઇનીઝ ગેંગનો હાથો બની ગયો.સાયબર ફ્રોડ માટે એકાઉન્ટ ભાડે આપતી અને રૂપિયા વિથ્ડ્રો કરી આપતી આ ગેંગ દ્વારા બોગસ કંપનીઓના નામે બેંક એકાઉન્ટ ઓપન કરાવી તેમાં સાયબર ફ્રોડના રૂપિયા ટ્રાન્સફર કરવામાં આવતા હતા.

પોલીસને તપાસ દરમિયાન આવી પાંચ જુદી જુદી કંપનીઓના ચાર બેંક એકાઉન્ટની વિગતો મળી છે. જેના સામે સાયબર ફ્રોડની ૪૧ ફરિયાદો જુદા જુદા રાજ્યોમાં નોંધાઈ છે અને કરોડો રૂપિયાના ટ્રાન્જેક્શન કરવામાં આવ્યા છે. તમામ ફરિયાદો લેયર-૧ની હોવાનું જાણવા મળ્યું છે.SS1MS