ભારત-બાંગ્લાદેશ બોર્ડર પર બીએસએફનો નવો માસ્ટર પ્લાન!
મુંબઈ, ભારત-બાંગ્લાદેશ સરહદ પર ઘૂસણખોરી રોકવા માટે બોર્ડર સિક્યુરિટી ફોર્સ અનોખો અને નવો માસ્ટર પ્લાન બનાવ્યો છે. પશ્ચિમ બંગાળના સરહદી વિસ્તારો નદીઓ અને કાદવના કારણે સુરક્ષા માટે પડકારરૂપ છે, ત્યાં હવે આ અવરોધોને પહોંચી વળવા બીએસએફે સરહદની સુરક્ષા કરાવ માટે ઝેરી સાપ અને મગરમચ્છનો ઉપયોગ કરવાની યોજના પર વિચારણા કરી રહ્યું છે.
મીડિયા રિપોર્ટ મુજબ, ભારત-બાંગ્લાદેશ વચ્ચે આશરે ૫૦૦૦ કિલોમીટર લાંબી સરહદ છે. આમાંથી કેટલાક પડકારજનક વિસ્તારોમાં ફેન્સિંગ કરવી અશક્ય છે, તેથી બીએસએફ આવા વિસ્તારોમાં ઝેરી સાપ, વીંછી અને મગરમચ્છ રાખવાની યોજના પર વિચાર કરી રહી છે. ખાસ કરીને ભારત અને બાંગ્લાદેશમાં વહેતી ફેની, ઈચ્છામતી, ગંગા/પદ્મા અને મુહુરી જેવી નદીઓ ઘૂસણખોરી માટે સંવેદનશીલ માનવામાં આવે છે.
આશરે ૧૮૦ કિલોમીટરનો વિસ્તાર નદી અને કાદવવાળો હોવાથી ત્યાં આ માસ્ટર પ્લાન પર વિચારણા કરવામાં આવી રહી છે.હાલમાં બીએસએફ આ સરહદોની સુરક્ષા માટે ડ્રોન, સેન્સર, ઈન્ળારેડ કેમેરા અને અત્યાધુનિક ટેકનોલોજીનો ઉપયોગ કરી રહી છે. જોકે, કાદવવાળા વિસ્તારોનો ફાયદો ઉઠાવીને થતી ઘૂસણખોરીને જડમૂળથી રોકવા માટે આ નવો પ્લાન તૈયાર કરવામાં આવી રહ્યો છે.
જોકે, આ અંગે હજુ સુધી કોઈ સત્તાવાર આદેશ જારી કરવામાં આવ્યો નથી, પરંતુ આક્રમક સુરક્ષા વ્યવસ્થાના ભાગરૂપે આવા સંવેદનશીલ વિસ્તારોની ઓળખ કરવાની પ્રક્રિયા શરૂ કરી દેવામાં આવી છે.SS1MS
