શું વિશ્વની મહાસત્તાના પ્રેસિડન્ટ પોતાના દેશમાં જ સુરક્ષિત નથી? એક શિક્ષકે ટ્રમ્પ પર હુમલો કેમ કર્યો?

કેલિફોર્નિયાનો રહેવાસી કોલ ટોમસ એલને ટ્રમ્પ પર હુમલો કરવા કેમ આવ્યો હતો? શું છે કારણ

વોશિંગ્ટનમાં ટ્રમ્પની હાજરીમાં ડિનર સમયે ફાયરિંગઃ હુમલાખોર ઝડપાયો હુમલા બાદ સુરક્ષા વ્યવસ્થા પર ઉઠ્યા સવાલ

ટ્રમ્પે હુમલા બાદ ઈરાન વિષે શું કહ્યું?

(એજન્સી)વોશિંગ્ટન, અમેરિકાના વોશિંગ્ટનથી એક ચોંકાવનારા સમાચાર આવ્યા છે. વોશિંગ્ટન હિલ્ટન હોટલમાં રાષ્ટ્રપતિ ડોનાલ્ડ ટ્રમ્પની હાજરીમાં ફાયરિંગની ઘટના ઘટી.

શંકાસ્પદ વ્યક્તિએ સિક્રેટ સર્વિસ એજન્ટ પર હુમલો કર્યો. તેની પાસે એક પિસ્તોલ અને કેટલાક છરા પણ હતા. હુમલાખોરને કોઈ ઈજા થઈ ન હતી અને તેને તપાસ માટે હોસ્પિટલ લઈ જવામાં આવ્યો.

આટલી ટાઈટ સિક્્યુરિટી છતાં આ ફાયરિંગ કોણે કર્યું તે મોટો સવાલ ઊભો થયો. જો કે આ હુમલાખોરની તસવીર પણ હાલ સામે આવી છે. પરંતુ સવાલ એ પણ થાય કે કડક સુરક્ષા બંદોબસ્ત વચ્ચે આ વ્યક્તિ હથિયાર લઈને પહોંચ્યો કેવી રીતે?

કેલિફોર્નિયાના ટોરેન્સના રહેવાસી ૩૧ વર્ષીય કોલ થોમસ એલન (Cole Tomas Allen) ની આ હુમલાના પ્રયાસ બદલ ધરપકડ કરવામાં આવી છે. એલને એક ‘મેનિફેસ્ટો’ લખ્યો હતો જેમાં તેણે પોતાને “ફ્રેન્ડલી ફેડરલ એસેસિન” ગણાવ્યો હતો.

•  કોલ થોમસ એલન ૩૧ વર્ષનો અમેરિકન નાગરિક છે અને કેલિફોર્નિયાના ટોરેન્સનો રહેવાસી છે.

• વ્યવસાય: તે વ્યવસાયે એક ટ્યુટર (શિક્ષક) અને કમ્પ્યુટર એન્જિનિયર છે.

• ઘટના: ૨૫ એપ્રિલ, ૨૦૨૬ના રોજ વ્હાઇટ હાઉસ કોરસપોન્ડન્ટ્સ ડિનર દરમિયાન તેણે પૂર્વ રાષ્ટ્રપતિ ડોનાલ્ડ ટ્રમ્પ પર હુમલો કરવાનો પ્રયાસ કર્યો હતો.

• હુમલાનું કારણ: તપાસમાં બહાર આવ્યું છે કે તેણે એક ‘મેનિફેસ્ટો’ તૈયાર કર્યો હતો, જેમાં તેણે પોતાને “ફ્રેન્ડલી ફેડરલ એસેસિન” તરીકે ગણાવ્યો હતો. તે ટ્રમ્પ વહીવટીતંત્રની નીતિઓથી નારાજ હતો અને તેણે આ નીતિઓના વિરોધમાં હુમલાનું કાવતરું ઘડ્યું હતું.

તેના લખાણ મુજબ, તે ટ્રમ્પ વહીવટીતંત્રની નીતિઓથી નારાજ હતો અને તેણે ટ્રમ્પના વહીવટી અધિકારીઓને નિશાન બનાવવાની યોજના બનાવી હતી. તેણે આ હુમલાને વહીવટીતંત્રની નીતિઓ સામેના વિરોધના ભાગરૂપે અંજામ આપવાનો પ્રયાસ કર્યો હતો.

ઈરાન વિશે ટ્રમ્પનું નિવેદન: આ હુમલા અને ઈરાન વચ્ચે કોઈ જોડાણ હોવાના અહેવાલો નથી. ટ્રમ્પે આ હુમલા બાદ ઈરાન વિશે કોઈ ખાસ નિવેદન આપ્યું નથી; ટ્રમ્પની હાલની ઈરાન અંગેની પ્રતિક્રિયાઓ આ હુમલાથી સંપૂર્ણપણે અલગ અને સ્વતંત્ર વિષયો પર છે.

અમેરિકી મીડિયાના રિપોર્ટ્‌સ મુજબ આરોપીનું નામ કોલ ટોમસ એલન છે. જેની ઉંમર ૩૧ વર્ષ હોવાનું કહેવાય છે. તે કેલિફોર્નિયાના ટોરેન્સનો રહીશ હોવાનું પણ કહેવાય છે. હિલ્ટન હોટલમાં ફાયરિંગ કરનારા આ શૂટરની કેટલીક તસવીરો પણ સામે આવી છે. જેમાં જોઈ શકાય છે કે સુરક્ષાકર્મીઓએ તેને જમીન પર ઊંધો સૂવાડેલો છે.

એફબીઆઈના જણાવ્યાં મુજબ શૂટરે સીક્રેટ સર્વિસ એજન્ટ પર ફાયરિંગ કર્યું હતું. રાહતની વાત એ છે કે એજન્ટે બુલેટ પ્રુફ જેકેટ પહેર્યું હતું અને તે સંપૂર્ણ રીતે સુરક્ષિત છે. તપાસ દરમિયાન જાણવા મળ્યું છે કે હુમલાખોર પાસે શોટગન હતી અને તેણે ડિનરના સુરક્ષા ઘેરાને તોડવાની કોશિશ કરી હતી. આ દરમિયાન તેણે સુરક્ષાકર્મી પર ફાયરિંગ કર્યું.

સીક્રેટ સર્વિસના જવાન હજુ પણ હથિયારો સાથે સમગ્ર ડિનર હોલ અને હોટલના ખુણે ખુણાની તપાસ કરી રહ્યા છે જેથી કરીને સંપૂર્ણ સુરક્ષાની પુષ્ટિ કરી શકાય. સીક્રેટ સર્વિસે એ પુષ્ટિ કરી છે કે ડોનાલ્ડ ટ્રમ્પ અને ફર્સ્ટ લેડી મેલાનિયા ટ્રમ્પ સંપૂર્ણ સુરક્ષિત છે.

જો કે આ ઘટના બાદ સુરક્ષા વ્યવસ્થા ઉપર પણ સવાલો ઊભા થયા છે. જો કે આ ઘટના ઘટ્યા બાદ હવે સુરક્ષા વ્યવસ્થા પર ગંભીર સવાલ ઊભા થયા છે. શું આ ફક્ત સુરક્ષામાં બેદરકારી હતી કે પછી કોઈ મોટું ષડયંત્ર છૂપાયેલુ છે? જાણીતા પત્રકાર નેહા પંતે આ ઘટના પર ઝી મીડિયા સાથે વિસ્તારપૂર્વક વાત પણ કરી.

તેમનું કહેવું છે કે જે પ્રકારે હુમલાખોર સુરક્ષા ઘેરાને ભેદીને આટલો નજીક પહોંચ્યો તે સામાન્ય નથી લાગતું. નેહા પંતે આ ઘટનાને શરમજનક ગણાવતા કહ્યું કે આટલી મોટી હસ્તીની સુરક્ષામાં આ પ્રકારની ચૂક સ્વીકાર્ય નથી. તેમના જણાવ્યાં મુજબ આ ઘટના ફક્ત બેદરકારી નહીં પરંતુ કોઈ ષડયંત્ર તરફ પણ ઈશારો કરે છે. જેની નિષ્પક્ષ તપાસ ખુબ જરૂરી છે.

હુમલા સમયે અમેરિકી સુરક્ષા એજન્સી યુનાઈટેડ સ્ટેટ્‌સ સીક્રેટ સર્વિસના અધિકારી ઘટનાસ્થળે હાજર હતા. આમ છતાં હુમલો થયો તે સુરક્ષા પ્રોટોકોલ પર ગંભીર સવાલ પણ ઊભા કરે છે.

પંતનું માનવું છે કે આ પ્રકારના હાઈ પ્રોફાઈલ કાર્યક્રમોમાં મલ્ટીલેયર સુરક્ષા હોય છે. જેમાં સ્થાનિક પોલીસ, ગુપ્તચર એજન્સીઓ, અને ફેડરલ સુરક્ષા દળો સામેલ હોય છે. આવામાં સુરક્ષા ઘેરાનું તૂટવું એ માત્ર ચૂક નહીં પરંતુ સિસ્ટમની નબળાઈ પણ ઉજાગર કરે છે.