ફેન પોતાની ૧ મહિનાની સેલેરી સોનુ સુદને આપવા માગે છે
મુંબઈ: અભિનેતા સોનુ સૂદે કોરોના સમયગાળામાં જરુરિયાત મંદોની એટલી મદદ કરી છે કે ચાહકો તેમને જેટલી વાર ટ્રિબ્યુટ આપે તેટલું ઓછું છે. પરંતુ જો કોઈ ચાહક અભિનેતાના કામથી એટલો પ્રભાવિત થઈ જાય છે કે તે સોનુને તેના એક મહિનાનો સંપૂર્ણ પગાર દાન આપવા માંગે છે, તો તે આશ્ચર્યજનક છે. હવે કંઈક એવું થયું છે જે ભાગ્યે જ જોવા મળે છે.
સોશિયલ મીડિયા પર એક વ્યક્તિએ સોનુ સૂદને પોતાનો એક મહિનાનો પગાર આપવાની વાત કરી છે. તે વ્યક્તિ સોનુના કામથી પ્રભાવિત થયો છે અને તેને તેની એક મહિનાની કમાણી આપવા માંગે છે. તે લખે છે હું બહુ કરી શકતો નથી, હું તમને મારો એક મહિનાનો પગાર આપી શકું છું, જેથી તમે વધુમાં વધુ લોકોને મદદ કરી શકો. હવે ચાહકોની આ ઓફર સોનુ સૂદનું દિલ જીતી ગઈ છે. અભિનેતાએ પણ ચાહકોની ઓફર પર આવો જવાબ આપ્યો છે કે બધા ખુશ થઈ ગયા છે.
સોનુએ જવાબ લખ્યો કે ભાઈ તારા કરતા કોઈ વધારે અમીર નથી. હંમેશાં આવા જ રહેજો. પડોશમાં કોઈ કુટુંબની મદદ કરી દેજો તો સમજી જાઈશ કે તમારો પગાર મારી પાસે પહોંચ્યો છે. હવે સોનુ સૂદ જાણે છે કે આ માણસ વધારે કમાણી કરતો નથી, તેથી તેણે તેની પાસેથી પગાર માંગ્યો નથી, પરંતુ બીજાને મદદ કરવા માટે તેને મોટો પાઠ આપ્યો છે. આ એક્ટરની પોસ્ટ સોશિયલ મીડિયા પર વાયરલ થઈ છે. ચાહકો સોનુની આ સ્ટાઇલ જોઇને ખુશ થયા છે. આ સમયે સોનુ સૂદે પોતાને બીજા અભિયાન સાથે જોડ્યા છે. તે અભિયાન અંતર્ગત તેઓ એવા વિદ્યાર્થીઓને મદદ કરવા જઈ રહ્યા છે જે જેઈઈ પરીક્ષા આપવા માટે ઘણા કિલોમીટરનો પ્રવાસ કરશે. અભિનેતાએ વચન આપ્યું છે કે તે તે વિદ્યાર્થીઓ માટે પરિવહનની વ્યવસ્થા કરશે.
