વિકી કૌશલ અને કેટરિના બે રિવાજો પ્રમાણે લગ્ન કરશે

મુંબઈ, બોલિવુડ એક્ટર્સ વિકી કૌશલ અને કેટરિના કૈફના લગ્નની ચર્ચા છેલ્લા થોડા દિવસથી ચાલી રહી છે. ડિસેમ્બર મહિનામાં વિકી કૌશલ અને કેટરિના કૈફ રાજસ્થાનના એક રિસોર્ટમાં સાત ફેરા લેશે. હવે કપલની લગ્ન તારીખ પણ સામે આવી ગઈ છે. રિપોર્ટ પ્રમાણે, વિકી કૌશલ અને કેટરિના કૈફના લગ્ન ૭થી૯ ડિસેમ્બર દરમિયાન યોજાશે.

મતલબ કે, ડિસેમ્બરના પહેલા અઠવાડિયામાં વિકી અને કેટરિના પતિ-પત્ની બની જશે. વિકી અને કેટરિનાએ બોલિવુડમાં આમંત્રણ વહેંચવાના પણ શરૂ કરી દીધા છે. મીડિયા રિપોર્ટનું માનીએ તો, સલમાન ખાન અને તેનો પરિવાર કેટરિના તરફથી લગ્નમાં સામેલ થશે.

રિપોર્ટ પ્રમાણે, વિકી કૌશલ અને કેટરિના કૈફના લગ્ન ખૂબ ધામધૂમથી થવાના છે. હલદી, મહેંદી જેવી સેરેમની થશે. આ સિવાય વિકી અને કેટરિના બે રિવાજ પ્રમાણે લગ્ન કરશે તેવી ચર્ચા છે. એક તો હિન્દુ વિધિથી ફેરા ફરીને લગ્ન કરશે અને બીજા કેથલિક વેડિંગ એટલે કે ખ્રિસ્તી રિવાજાે મુજબ પરણશે. લગ્નના બધા જ પ્રસંગો સવાઈ માધોપુરમાં આવેલા રિસોર્ટ સિક્સ સેન્સ ફોર્ટ બરવાડામાં થવાના છે.

આ સ્થળ રાજસ્થાનમાં આવેલા રણથંભોર નેશનલ પાર્કથી ૩૦ મિનિટના અંતરે આવેલું છે. આ તરફ મુંબઈમાં કેટરિના કૈફ અને વિકી કૌશલ લગ્નની તૈયારીઓ કરી રહ્યા છે. ઈટાઈમ્સને સૂત્રો તરફથી પ્રાપ્ત થયેલી માહિતી પ્રમાણે, “તેમના લગ્નના આઉટફિટ સબ્યસાચી ડિઝાઈન કરી રહ્યા છે.

કપડાં માટે હાલ તેઓ ફેબરિક પસંદ કરી રહ્યા છે. કેટરિનાએ તેના આઉટફિટ માટે રૉ સિલ્ક પસંદ કર્યું છે અને આમાંથી તેનો લહેંગો બનશે. જણાવી દઈએ કે, ગ્રાન્ડ વેડિંગ પહેલા વિકી અને કેટરિનાએ ૧૮ ઓગસ્ટે સગાઈ કરી હતી. નજીકના પરિવારજનોની હાજરીમાં જ કપલની રોકા સેરેમની સંપન્ન થઈ હતી. વિકી અને કેટરિનાના લગ્નની વાતો બહાર આવ્યા બાદ હાલમાં જ કેટરિનાના મમ્મી અને બહેન એક એથનિક સ્ટોરની બહાર શોપિંગ કરતા જાેવા મળ્યા હતા.SSS