કોરોનામાંથી રિકવર થનારાને નવ માસ બાદ વેક્સિન અપાશે
પ્રતિકાત્મક
એક્સપર્ટ ગ્રુપે તથ્યોને ધ્યાનમાં રાખીને સૂચન કર્યું, અગાઉ છ માસ બાદ વેક્સિન માટેનો સમય નક્કી કરાયો હતો
નવી દિલ્હી, કોરોના વાયરસને માત આપવા માટે દેશમાં વેક્સિનેશનનું કામ ચાલી રહ્યું છે. આ બધા વચ્ચે વેક્સિનની નીતિઓમાં સતત ફેરફાર પણ થઈ રહ્યો છે. આ સંજાેગોમાં જાે હવે કોઈ વ્યક્તિને કોરોના થાય તો રિકવર થયાના આશરે ૯ મહિના બાદ જ તેને વેક્સિન અપાશે.
ટૂંક સમયમાં જ નેશનલ એક્સપર્ટ ગ્રુપ ઓન વેક્સિન એડમિનિસ્ટ્રેશન (એનઈજીવીએસી) આ અંગે ર્નિણય લઈ શકે છે. ગ્રુપે રિકવરીના ૯ મહિના બાદ જ વેક્સિન લગાવવાનું સૂચન કર્યું છે. તાજેતરમાં જ કોરોનાથી સાજા થયેલા લોકો માટે વેક્સિન આપવાનો સમય ૬ મહિના બાદનો નક્કી કરવામાં આવ્યો હતો ત્યારે હવે તેને લંબાવીને ૯ મહિના કરવામાં આવી શકે છે. એક્સપર્ટ ગ્રુપે તથ્યોને ધ્યાનમાં રાખીને આ પ્રકારનું સૂચન કર્યું છે.
ભારતમાં કોરોનાની પહેલી લહેર દરમિયાન રીઈન્ફેક્શનનો રેટ ૪.૫ ટકા સુધીનો હતો. આ દરમિયાન ૧૦૨ દિવસનું અંતર જાેવા મળ્યું હતું. કેટલાક દેશોમાં કરવામાં આવેલા અભ્યાસમાં કોરોના સંક્રમણ થયાના ૬ મહિના સુધી ઈમ્યુનિટી રહે છે માટે એટલો સમય જરૂરી છે તેવું સામે આવ્યું હતું.
કોરોના મહામારી હજુ પણ ચાલુ છે તેવામાં રીઈન્ફેક્શનની સંભાવના પણ છે. આ સંજાેગોમાં જાે કોઈએ રસીના પહેલા કે બીજા ડોઝ માટે રાહ જાેવી પડે તો તે ફાયદાકારક પણ બની શકે છે. ગર્ભવતી મહિલા પાસે ડિલિવરી બાદ વેક્સિન લેવાનો ઓપ્શન છે.
