દીકરો આઠ મહિનાનો થતાં કરીનાએ તસવીર શેર કરી
મુંબઈ, કરીના કપૂરના મોટા દીકરા તૈમૂરની જેમ નાનો દીકરો જેહ પર ઈન્ટરનેટ સેન્સેશન બની ગયો છે. ફોટોગ્રાફર્સ તૈમૂર બાદ જેહની તસવીર ક્લિક કરવા માટે પણ પડાપડી કરે છે. જન્મના લાંબા સમય સુધી કરીનાએ જેહનો ચહેરો દેખાડ્યો નહોતો, પરંતુ હવે તે તેની તસવીરો સોશિયલ મીડિયા હેન્ડલ પર શેર કરતી રહે છે.
જેહ આજે આઠ મહિનાનો થઈ ગયો છે અને આ દિવસે મમ્મી કરીના કપૂરે તેની સુંદર તસવીર શેર કરી છે. આ ફોટોમાં જાે કે તેનો ચહેરો દેખાઈ રહ્યો નથી. તે મસ્તી કરતો અને યોગા પોઝ આપતો જાેવા મળી રહ્યો છે. તેણે વાદળી કલરનું ટીશર્ટ અને ગ્રે શોટ્સ તેમજ મેચિંગ લાળીયું પહેર્યું છે.
તસવીરની સાથે કરીના કપૂરે કેપ્શન પણ લખ્યું છે. તેણે લખ્યું છે ‘ડાઉનવર્ડ ડોગ તમે જુઓ યોગા આખા પરિવારમાં કરવામાં આવે છે ૮ મહિના મારો દીકરો. જેહની આ તસવીર મામી, ફોઈ અને મમ્મીની બેસ્ટ ફ્રેન્ડ અમૃતા અરોરાને ખૂબ પસંદ આવી છે. અમૃતા અરોરા અને કરિશ્મા કપૂરે રેડ હાર્ટ ઈમોજી મૂક્યું છે તો સબા અલી ખાને લખ્યું છે ‘જેહ જાદૂ કી જપ્પી.
કરીના કપૂરે આ મહિનાની શરૂઆતમાં જેહનો જન્મ થયો તે વખતની તસવીર શેર કરી હતી. જેમાં તેનો ચહેરો નહોતો દેખાઈ રહ્યો પરંતુ ગોળમટોળ ગાલ દેખાઈ રહ્યા હતા. આ સાથે તેણે લખ્યું હતું ‘મારી લાઈફ, તારા ગાલ અને કડલ મને પૂરા કરે છે’.
ઉલ્લેખનીય છે કે, આ વર્ષના ફેબ્રુઆરી મહિનામાં કરીના કપૂર બીજીવાર મમ્મી બની હતી અને જેહને જન્મ આપ્યો હતો. કરીના કપૂર હાલ પરિવાર સાથે વેકેશન પર છે. બુધવારે તેણે ઈન્સ્ટાગ્રામ પર વેકેશન દરમિયાનની સેલ્ફી શેર કરી હતી. સાથે તેણે લખ્યું હતું ‘ડેઝર્ટ રન કરીના કપૂરના વર્ક ફ્રંટની વાત કરીએ તો, તેની આમિર ખાન સાથેની ફિલ્મ ‘લાલ સિંહ ચઢ્ઢા’ની રાહ જાેવાઈ રહી છે, જે હોલિવુડની ફિલ્મ ‘ફોરેસ્ટ ગમ્પ’ની રિમેક છે. આ સિવાય તે સુજાેય ઘોષની ફિલ્મમાં પણ કામ કરવાની છે.SSS
