રાજ્યસભામાં ૧૨ સાંસદોના સસ્પેન્શન અંગે બન્ને પક્ષો વાતચીતથી રસ્તો કાઢે: નાયડુ
નવીદિલ્હી, રાજ્યસભાના અધ્યક્ષ એમ વેંકૈયા નાયડુએ ગૃહમાંથી ૧૨ સભ્યોને સસ્પેન્ડ કરવા પર ચાલી રહેલી મડાગાંઠ પર નારાજગી વ્યક્ત કરતા કહ્યું છે કે સાંસદો તેમના વર્તન માટે ખેદ વ્યક્ત કરવા માટે પણ તૈયાર નથી અને સસ્પેન્શન પાછું ખેંચવાની માંગ કરવામાં આવી રહી છે.
વિપક્ષી સાંસદોના વલણ પર આશ્ચર્ય વ્યક્ત કરતાં તેમણે કહ્યું કે નિર્ધારિત પ્રક્રિયા મુજબ ગૃહની અંદર અને બહારની કાર્યવાહીને પણ અલોકતાંત્રિક ગણાવવામાં આવી રહી છે. જાે કે, તેમણે શાસક પક્ષ અને વિપક્ષ બંનેને મંત્રણા દ્વારા ગૃહમાં ચાલી રહેલી મડાગાંઠનો ઉકેલ લાવવા અપીલ કરી છે, જેથી ઉચ્ચ ગૃહની કાર્યવાહી સરળતાથી ચાલી શકે.
રાજ્યસભાના વારંવાર સ્થગિત થવા પર દુઃખ વ્યક્ત કરતા ઉપલા ગૃહના અધ્યક્ષ એમ વેંકૈયા નાયડુએ ગૃહમાંથી ૧૨ સભ્યોના સસ્પેન્શન પર કહ્યું છે કે ‘તમને તમારા ગેરવર્તણૂકનો પસ્તાવો નથી, પરંતુ ગૃહ દ્વારા પોતાના નિયમો હેઠળ લેવાયેલા ર્નિણય પર હા, તેને રદ કરવાનો આગ્રહ.
શું આ લોકશાહીના સિદ્ધાંતોને અનુસરવા માટે છે?’ આ ૧૯૬૨ થી થઈ રહ્યું છે, તો શું બધા અલોકતાંત્રિક હતા ? આ સસ્પેન્શન પહેલીવાર નથી. સભ્યોને ૧૯૬૨ થી અને ૨૦૧૦ સુધી ૧૧ વખત… તત્કાલીન સરકારો દ્વારા ખસેડવામાં આવેલા ઠરાવોને આધારે આ રીતે સસ્પેન્ડ કરવામાં આવ્યા છે. શું તેઓ બધા બિનલોકશાહી હતા? વિરોધ પક્ષો વિરોધ કરી રહ્યાં છે.HS
