RRR રિલીઝ પહેલા કાયદાકીય મુશ્કેલીમાં ફસાઈ
મુંબઇ, એસએસ રાજામૌલીની આગામી ફિલ્મ આરઆરઆરને રિલીઝ પહેલા જ સુપરહિટ કહી રહ્યા છે. આ ફિલ્મ આજે એટલે કે ૭ જાન્યુઆરીએ રિલીઝ થવાની હતી, પરંતુ મેકર્સે ફિલ્મ કોરોનાના ચક્કરની રિલીઝ મોકૂફ રાખી છે. હવે ફિલ્મની રિલીઝ પહેલા આલિયા ભટ્ટ, અજય દેવગણ, રામ ચરણ, જુનિયર એનટીઆર સ્ટારર ફિલ્મ કાયદાકીય મુશ્કેલીમાં ફસાયેલી જાેવા મળી રહી છે.
અહેવાલ છે કે ફિલ્મ RRR વિરુદ્ધ તેલંગાણા હાઈકોર્ટમાં PIL દાખલ કરવામાં આવી છે, જેમાં ફિલ્મની રિલીઝ પર રોક લગાવવાની માંગ કરવામાં આવી છે. ફિલ્મ RRR વિરુદ્ધ તેલંગાણા હાઈકોર્ટમાં એક જાહેર હિતની અરજી દાખલ કરવામાં આવી છે. અહેવાલો અનુસાર, આંધ્રપ્રદેશના અલ્લુરી સૌમ્યા નામના એક વિદ્યાર્થીએ ફિલ્મ વિરુદ્ધ જાહેર હિતની અરજી દાખલ કરી છે, જેમાં કહેવામાં આવ્યું છે કે, તેમાં ઐતિહાસિક તથ્યોને તોડી-મરોડી રજૂ કરવામાં આવ્યા છે.
વિદ્યાર્થીએ ફિલ્મ પર પ્રતિબંધની માંગ કરી છે. અરજીમાં એમ પણ કહ્યું હતું કે, આથી ફિલ્મને સેન્સર સર્ટિફિકેટ જારી કરવામાં ન આવે. આ કેસની સુનાવણી જજ ઉજ્જવલ બયાનની ખંડપીઠે કરી હતી. આ પછી, તેમણે કહ્યું છે કે, આ એક પીઆઈએલ છે અને તેની સુનાવણી ચીફ જસ્ટિસની બેન્ચ કરશે. હવે આ મામલે આગામી સુનાવણીની રાહ જાેવાઈ રહી છે. જાેકે, આ મામલે હજુ સુધી RRR મેકર્સ તરફથી કોઈ નિવેદન બહાર આવ્યું નથી.
રામ ચરણ અલ્લુરી ફિલ્મમાં સીતારામ રાજુની ભૂમિકા ભજવી રહ્યા છે. તો, જુનિયર એનટીઆર ફિલ્મમાં કોમારામ ભીમની ભૂમિકામાં છે. તમને જણાવી દઈએ કે, રાજામૌલીએ ક્યારેય એવી દલીલ કરી નથી કે, આ ફિલ્મ સાચી ઘટનાઓ પર આધારિત છે અને હંમેશા સ્પષ્ટતા કરી છે કે તે સાચા પાત્રો પર આધારિત કાલ્પનિક કૃતિ છે. ઘણા વર્ષો સુધી કોઈ જાણતું ન હતું કે, તે બે સ્વતંત્રતા સેનાનીઓ અને રાજામૌલીના જીવનમાં શું બન્યું હતું અને તે અજાણ્યા વર્ષો પર તેમની વાર્તા આધારિત હતી.SSS
