કપિલ શર્માનો દીકરો ત્રિશાન એક વર્ષનો થયો
મુંબઈ, કોમેડી કિંગ કપિલ શર્મા ખૂબ પ્રેમાળ પિતા પણ છે. કપિલનો દીકરો ત્રિશાન ૧ વર્ષનો થયો છે. કપિલે ત્રિશાનનો કૂલ ફોટો સોશિયલ મીડિયા પર શેર કરતાં સુંદર નોટ લખી છે. કપિલ શર્માએ પોતાના વ્હાલસોયા દીકરા માટે સૌના આશીર્વાદ અને પ્રેમ માગ્યા છે.
ત્રિશાનની ગોગલ્સ અને સૂટ પહેરેલી તસવીર શેર કરતાં કપિલે લખ્યું, આજે મારા દીકરા ત્રિશાનનો પહેલો જન્મદિવસ છે. તમારા સૌનો પ્રેમ અને આશીર્વાદ જાેઈએ છે. હેપી બર્થ ડે મારા દીકરા. અમારી જિંદગીમાં આવીને તેને ઓર સુંદર બનાવવા માટે આભાર.
ઈશ્વરના આશીર્વાદ તારા પર રહે. આ તસવીર પર સિંગર રિચા શર્મા, ટાઈગર શ્રોફ, સોફી ચૌધરી, રાહુલ વૈદ્ય, નીતિ મોહન, અનુભવ સિન્હા, ચંદન પ્રભાકર, ગીતા કપૂર, હરભજન સિંહ, સિદ્ધાંત ચતુર્વેદી, હુમા કુરેશી વગેરે જેવા સેલિબ્રિટીઝે કોમેન્ટ કરીને ત્રિશાનને જન્મદિવસની શુભકામના પાઠવી હતી.
આ સિવાય ફેન્સ પણ કોમેન્ટ કરીને ત્રિશાનને શુભેચ્છા આપી રહ્યા છે. કપિલ શર્માની આ પોસ્ટને ૧ કલાકમાં જ સાડા ચાર લાખથી વધુ લાઈક્સ મળી છે.
જણાવી દઈએ કે, કપિલ શર્માએ ગર્લફ્રેન્ડ ગિન્ની ચતરથ સાથે ડિસેમ્બર ૨૦૧૮માં લગ્ન કર્યા હતા. ડિસેમ્બર ૨૦૧૯માં કપિલ અને ગિન્નીની દીકરી અનાયરાનો જન્મ થયો હતો. ત્યારબાદ ફેબ્રુઆરી ૨૦૨૧માં કપિલ-ગિન્ની બીજીવાર પેરેન્ટ્સ બન્યા અને દીકરા ત્રિશાનનો જન્મ થયો.
વર્કફ્રંટની વાત કરીએ તો, કપિલ હાલ તેના કોમેડી શો ‘ધ કપિલ શર્મા શો’માં વ્યસ્ત છે. આ શો સામાન્ય લોકોની સાથે સેલિબ્રિટીઝમાં પણ પોપ્યુલર છે. સેલેબ્સને પોતાના ફિલ્મના પ્રમોશન માટે આ શોમાં આવવું ખૂબ ગમે છે. હાલમાં જ કપિલની ફેવરિટ એક્ટ્રેસ દીપિકા પાદુકોણ આગામી ફિલ્મ ‘ગહેરાઈયાં’ના પ્રમોશન માટે શોના સેટ પર પહોંચી હતી. દીપિકા સાથે તેના કો-એક્ટર્સ સિદ્ધાંત ચતુર્વેદી, અનન્યા પાંડે, ધ્રુવ કારવા અને ડાયરેક્ટર શકુન બત્રા હતા.
કપિલે સોશિયલ મીડિયા પર દીપિકા સાથેની સેલ્ફી હાર્ટ ઈમોજી સાથે શેર કરી હતી. આ સિવાય કપિલ હાલમાં ઓટીટી પર રિલીઝ થયેલા તેના સ્ટેન્ડ અપ શો ‘કપિલ શર્માઃ આઈ એમ નોટ ડન યેટ’ને લઈને ચર્ચામાં હતો.SSS
