પાયલે ફિલ્મોમાં કરિયર બનાવવા તાંત્રિક પાસેથી કરાવી હતી પૂજા
મુંબઇ, કંગના રનૌતનો રિયાલિટી શો લોક અપ લોકોને ઘણો પસંદ આવી રહ્યો છે. આ શોની સ્પર્ધક પાયલ રોહતગીએ હવે તેના અંગત જીવન સાથે જાેડાયેલો મોટો ખુલાસો કર્યો છે. તાજેતરના એપિસોડમાં, તેણે દાવો કર્યો છે કે, તેણે તેની કારકિર્દી સુધારવા માટે ‘વશિકરણ પૂજા’ પણ કરી હતી.
આ રહસ્ય વિશે વાત કરતાં પાયલ રોહતગીએ કહ્યું કે, તેણે તેની માતાને પણ આ વિશે જણાવ્યું ન હતું. જાેકે આનાથી તેને કોઈ ખાસ પરિણામ મળ્યું ન હતુ. જ્યારે પાયલ રોહતગીએ આ રહસ્ય ખોલ્યું ત્યારે કંગના રનૌત પણ તેને ચીડવવાના મૂડમાં જાેવા મળી હતી.
પાયલ રોહતગીનો મંગેતર અને રેસલર સંગ્રામ સિંહ વિશે વાત કરીએ તો શું તેમનો પ્રેમ આ પૂજાનું પરિણામ છે. તેણે હસીને કહ્યું, ‘તમે સંગ્રામ સાથે લગ્ન કરવા માંગો છો અને તું એમ પણ કહે છે કે તું કાલા જાદુ અને વશીકરણ પણ કરે છે. હવે સંગ્રામ પણ વિચારશે કે હું પાયલને સાચે જ પ્રેમ કરું છું કે પછી હું કોઈ તાંત્રિકથી મોહિત થઈ ગયો છું.
પાયલ રોહતગીએ કંગના રનૌતને કહ્યું, ‘હું ઇન્ડસ્ટ્રીમાં ૧૫ વર્ષથી છું, પરંતુ એક સમય એવો હતો જ્યારે મારૂ કરિયર યોગ્ય દિશામાં જઈ રહ્યું ન હતુ. આશ્ચર્યજનક રીતે, મેં મારી કારકિર્દીને સારી રીતે પાટા પર લાવવા માટે તાંત્રિક પૂજાનો આશરો લીધો. કોઈએ મને આ પૂજા કરવાની સલાહ આપી હતી. મેં દિલ્હીમાં એક પૂજારી સાથે વાત કર્યા પછી વશિકરણ પૂજા કરી. મેં મારી કારકિર્દી બચાવવા વશિકરણ પૂજા કરી હતી.
હા, એ અલગ વાત છે કે તેનાથી મને કોઈ ફાયદો થયો ન હતો. આ એક એવા નિર્માતા માટે હતી, જેની સાથે હું કામ કરવા માંગતી હતી. કંગના રનૌતે પાયલ રોહતગીને આ બધું સાંભળ્યા પછી કહ્યું, ‘તમે સુંદર અને પ્રતિભાશાળી છો, મને નથી લાગતું કે લોકોને પ્રભાવિત કરવા માટે તમારે કોઈ તાંત્રિકની જરૂર છે.
આ સાથે કંગના રાનૌતને પણ તેના જુના દિવસો યાદ આવ્યા જ્યારે તેના પર કાલા જાદુ કરવાનો આરોપ લાગ્યો હતો. તેણે કહ્યું, ‘મને લાગે છે કે લોકોમાં પૂર્વગ્રહ વધારે હોય છે. જ્યારે હું ઈન્ડસ્ટ્રીમાં આવી ત્યારે કહેવામાં આવતું હતું કે આ છોકરી કાલા જાદુ કરે છે.
તેણે આગળ કહ્યું, ‘જ્યારે કોઈ છોકરી સફળ થાય છે ત્યારે લોકો તેની ક્ષમતા પર શંકા કરે છે. તેનામાં જાદુઈ શક્તિ હશે, તે કેવી રીતે સફળ થઈ?’ તમને જણાવી દઈએ કે ૨૦૧૬માં કંગના રનૌતના એક્સ બોયફ્રેન્ડે ડીએનએ સાથે વાત કરતા કંગના રનૌતે તેના પર કાલા જાદુ કર્યો હોવાનો આરોપ લગાવ્યો હતો. તેણે કહ્યું હતું કે, ‘એક દિવસ કંગનાએ મને રાત્રે ઘરે બોલાવ્યો અને પૂજા કરવાનું કહ્યું. હું રાત્રે ૧૧ઃ૩૦ વાગ્યે પહોંચ્યો અને ૧૨ વાગ્યે પૂજા શરૂ થઈ. કંગનાએ આખો રૂમ કાળા પડદા અને કપડાંથી ઢાંકી દીધો હતો.SSS
