Kubbra Saitનો ચોંકાવનારો ખુલાસો
અમારા ઘરમાં થોડી સમસ્યાઓ ચાલી રહી હતી ત્યારે તે વ્યક્તિ મને હોટેલમાં લઈ ગયો અને મારા ચહેરા પર હાથ ફેરવવા લાગ્યો
અંકલે હોટેલમાં બોલાવી કર્યું હતું ગંદુ કામ: Kubbra Sait
મુંબઈ,જાણીતી વેબ સિરીઝ Sacred Gamesથી પોપ્યુલર એક્ટ્રેસ કુબ્રા સૈતએ પોતાના પુસ્તકમાં કેટલાંક ચોંકાવનારા ખુલાસા કર્યા છે. કુબ્રા સૈતે જણાવ્યું કે તે જ્યારે માત્ર ૧૭ વર્ષની હતી ત્યારે તેનું યૌન શોષણ થયું હતું. તેના ‘પારિવારિક’ અંકલે જ કુબ્રા સૈતનું યૌન શોષણ કર્યું હતું.
૩૮ વર્ષીય એક્ટ્રેસ કુબ્રા સૈતે જણાવ્યું કે, એકવખત હું મારા પરિવાર સાથે બેંગ્લુરુની એક રેસ્ટોરન્ટમાં ગઈ હતી. દરમિયાન અમારી મુલાકાત તે વ્યક્તિ સાથે થઈ જે આ રેસ્ટોરન્ટનો માલિક હતો. ત્યાં અમે જમ્યા પછી તે વ્યક્તિ અમારા પરિવારની ખૂબ જ નજીક આવી ગયો અને અમે પણ વારંવાર તે રેસ્ટોરન્ટમાં જમવા માટે જતા હતા.
તે વ્યક્તિ ધીરે-ધીરે અમારા પરિવારનો હિસ્સો બની ગયો અને અમારા ઘરના પ્રસંગોમાં પણ હાજરી આપવા લાગ્યો. અમારો પરિવાર જ્યારે આર્થિક તંગીનો સામનો કરી રહ્યો હતો ત્યારે પણ તે વ્યક્તિએ અમારી નાણાકીય મદદ કરી. પણ શું તે વ્યક્તિ ખરેખરમાં એટલો યોગ્ય હતો કે જેટલો તેણે સારા હોવાનો દેખાડો કર્યો હતો? એક દિવસ જ્યારે અમે બધા કારમાં બેઠા હતા ત્યારે આ વ્યક્તિએ કારમાં જ મારા ડ્રેસમાં હાથ નાખ્યો.
તે મારી જાંઘ પર હાથ ફેરવવા લાગ્યો, ત્યારે હું એકદમ ચોંકી ગઈ હતી અને મને કશું સમજાતું નહોતું કે આખરે આ શું થઈ રહ્યું છે? તે વ્યક્તિ વારંવાર અમારા ઘરે આવતો હતો અને મારા ગાલ પર કિસ કરતા કહેતો હતો કે મારી કુબ્રા, તું કેટલી પ્યારી છે. તે વ્યક્તિ જ્યારે મને સ્પર્શ કરતો હતો ત્યારે હું અસહજ અનુભવ કરતી હતી.
ત્યારે હું ચૂપ હતી. જ્યારે અમારા ઘરમાં થોડી સમસ્યાઓ ચાલી રહી હતી ત્યારે તે વ્યક્તિ મને હોટેલમાં લઈ ગયો અને મારા ચહેરા પર હાથ ફેરવવા લાગ્યો. પછી તે વ્યક્તિએ મને લિપ કિસ કરી. ત્યારે મને એવું લાગ્યું કે મારે બૂમો પાડવી જાેઈએ અથવા ત્યાંથી ભાગવું જાેઈએ પરંતુ, હું કશું ના કરી શકી.
પછી તે વ્યક્તિએ તેનું પેન્ટ ખોલ્યું અને મને સમજાઈ રહ્યું નહોતું કે આખરે આ શું થઈ રહ્યું છે, પછી હું વિચારવા લાગી કે શું હું મારી વર્જિનિટી ગુમાવી રહી છું? તે વ્યક્તિ પરિણીત તેમજ એક બાળકનો પિતા હતો અને દોઢ વર્ષ સુધી તે મારું યૌન શોષણ કરતો રહ્યો.sss
