૨-૩ કિલો ગાળો ખાઉં છું, એટલે થાકતો નથીઃ વડાપ્રધાન
File
ભગવાનના આશીર્વાદથી, મને અપાયેલ અપશબ્દો પોષણમાં ફેરવાય છેઃ તેલંગણામાં બોલ્યા વડાપ્રધાન
નવી દિલ્હી, વડાપ્રધાન નરેન્દ્ર મોદી શનિવારે તેલંગાણાના પ્રવાસે છે. આ દરમિયાન જનતાને સંબોધિત કરતા તેમણે તેલંગાણા સરકાર પર આકરા પ્રહારો કર્યા હતા. તેમણે કહ્યું- ‘લોકો મને પૂછે છે કે તેઓ સખત મહેનત કરીને પણ કેમ થાકતા નથી.
હું થાકતો નથી કારણ કે હું દરરોજ ૨-૩ કિલો ગાળો ખાઉં છું. ભગવાનના આશીર્વાદથી, મને અપાયેલ અપશબ્દો પોષણમાં ફેરવાય છે. પીએમ મોદીએ તેલંગાણાના મુખ્યમંત્રી કે. ચંદ્રશેખર રાવનું નામ લીધા વિના, તેમને ભ્રષ્ટાચાર અને પરિવારવાદની રાજનીતિમાં સામેલ કહ્યા.
તેમણે કહ્યું કે રાજ્ય ‘પહેલા લોકો સાથેની સરકાર ઈચ્છે છે, પરિવાર નહીં’. તમે મોદીને ગાળો આપો છો, બીજેપીને ગાળો આપો છો, પરંતુ જાે તમે તેલંગાણાના લોકોને ગાળો આપો છો તો તમારે ભારે કિંમત ચૂકવવી પડશે. પીએમ મોદીએ કહ્યું- હું તેલંગાણાના કાર્યકરો માટે વ્યક્તિગત પ્રાર્થના કરવા માંગુ છું.
કેટલાક લોકો નિરાશા, ડર અને અંધવિશ્વાસના કારણે મોદી વિરુદ્ધ અનેક અપશબ્દોનો ઉપયોગ કરે છે. હું પ્રાર્થના કરું છું કે તેઓ તેમની કપટથી ગેરમાર્ગે ન દોરાય. તેમણે રાજ્ય સરકાર પર કેન્દ્ર સરકારની યોજનાઓના અમલીકરણમાં જાણી જાેઈને અડચણો ઉભી કરવાનો આરોપ લગાવ્યો.
પીએમ મોદીએ રાજ્યના મુખ્યમંત્રી કે. ચંદ્રશેખર રાવે પણ અંધશ્રદ્ધા પર કટાક્ષ કર્યો હતો. તેમણે દાવો કર્યો હતો કે તમામ મહત્વના ર્નિણયો, ક્યાં રહેવું, ઓફિસ ક્યાં છે, કોને મંત્રી બનાવવો જાેઈએ, બધું જ અંધશ્રદ્ધાના આધારે લેવામાં આવી રહ્યું છે.
સામાજિક ન્યાયમાં આ સૌથી મોટો અવરોધ છે. તેલંગાણા માહિતી ટેકનોલોજીનું કેન્દ્ર છે. પરંતુ, આ આધુનિક શહેરમાં અંધશ્રદ્ધાને પ્રોત્સાહન આપવામાં આવી રહ્યું છે તે દુઃખની વાત છે. જાે આપણે તેલંગાણાનો વિકાસ કરવો હોય, પછાતપણું દૂર કરવું હોય તો સૌથી પહેલા અહીંથી અંધશ્રદ્ધા દૂર કરવી પડશે.
વડા પ્રધાન મોદીએ દાવો કર્યો હતો કે વિપક્ષી પાર્ટીઓ એક થઈ રહી છે કારણ કે તેમને ડર છે કે તપાસ એજન્સીઓ તેમના ભ્રષ્ટાચારની તપાસ કરશે. તેમણે કહ્યું કે સરકારે ડિજિટલ ટ્રાન્ઝેક્શન અને ઓનલાઈન પેમેન્ટને પ્રોત્સાહન આપ્યું છે. આનાથી ભ્રષ્ટાચારમાં ઘણો ઘટાડો થયો છે. કારણ કે, આનાથી દરેકની વાસ્તવિકતા બહાર આવશે. ઓનલાઈન વ્યવહારો સરકાર અને જનતા વચ્ચે સીધી કડી બની જાય છે.
