Western Times News

Latest News from Gujarat India

મહીસાગરમાં મતદાન જાગૃતિ મેરેથોન દોડ યોજાઈ

(પ્રતિનિધિ) ગોધરા, વિધાનસભાની સામાન્ય ચુંટણી-૨૦૨૨ માં મતદાન કરવા માટે લોકોમાં જાગૃત્તિ કેળવવા અર્થે મહીસાગર જિલ્લા ચૂંટણી અધિકારીશ્રી અને કલેક્ટર ભાવિન પંડ્યાના માર્ગદર્શન હેઠળ મહીસાગર જિલ્લામાં વિવિધ પ્રવૃતિઓ હાથ ધરવામાં આવી રહી છે.

મહીસાગર જિલ્લાની શાળાઓ ખાતે વિધાર્થીઓ અને શાળા પરિવારના સફળ સંકલન દ્વારા અવનવી પ્રવૃતિઓ હાથ ધરવામાં આવી રહી છે. જેમાં તાજેતરમાં અવસર લોકશાહીનો કેમ્પેઇન અંતર્ગત કે.એમ.દોશી હાઈસ્કૂલ બાકોર ખાતે મતદાર જાગૃતિ મેરેથોન દોડનુ આયોજન કરવામા આવ્યુ હતું.

જેમાં મહત્તમ લોકોએ ભાગ લઇ મેરેથોન દોડને સફળ બનાવી હતી. આ ચૂંટણીમાં મહત્તમ મતદાન થાય અને દરેક નાગરિક સમાન અને સહર્ષ રીતે આ પ્રક્રિયાનો ભાગ બને એવા પ્રયાસો જિલ્લા ચૂંટણી તંત્ર મહીસાગર દ્વારા હાથ ધરવામાં આવી રહ્યા છે.

Copyright © All rights reserved. | Developed by Aneri Developers