જ્યારે મારી દીકરી ૨૦ વર્ષની થશે ત્યારે હું ૬૦ વર્ષનો થઈ ગયો હોઈશ
મુંબઈ, રણબીર કપૂર માટે ૨૦૨૨નું વર્ષ સુવર્ણ રહ્યું, પાંચ વર્ષના રિલેશનશિપ બાદ ગર્લફ્રેન્ડ આલિયા ભટ્ટ સાથે લગ્ન થયા અને નવેમ્બરની શરૂઆતમાં દીકરી રાહા કપૂરનો પિતા બન્યો. ઘરમાં બાળકનું આગમન થતાં જ રણબીર પ્રોફેશનલ કમિટમેન્ટ પૂરા કરવાની સાથે ડેડી ડ્યૂટી નિભાવવામાં પણ વ્યસ્ત જાેવા મળી રહ્યો છે.
અંગત જીવન વિશે ઓછી વાત કરવામાં માનતાં એક્ટરે હાલમાં દીકરી વિશે વાત કરી હતી. હાલમાં તેણે રેડ સી ઈન્ટરનેશનલ ફિલ્મ ફેસ્ટિવલમાં ભાગ લીધો હતો.
અહીંયા તેણે પિતા તરીકે અનુભવાતી સૌથી મોટી અસુરક્ષા વિશે વાત કરી હતી. આ સાથે પિતા બન્યા બાદ જીવનમાં કેવા ફેરફાર આવ્યા તેનો ખુલાસો પણ કર્યો હતો.
રણબીર કપૂરે જણાવ્યું હતું કે, ‘મને સૌથી વધારે એ વાત પરેશાન કરે છે કે મેં આટલું મોડું કેમ કર્યું. મારી સૌથી મોટી અસુરક્ષાની લાગણી એ છે કે, જ્યારે મારી દીકરી ૨૦ અથવા ૨૧ વર્ષની થશે ત્યારે હું ૬૦ વર્ષનો થઈ ગયો હોઈશ. શું હું તે સમયે તેની સાથે ફૂટબોલ રમી શકીશ? શું તે સમયે હું તેની સાથે દોડી શકીશ?’. દીકરી રાહાને આલિયા અને તે સરખી રીતે સમય આપી શકે તે માટે જવાબદારીઓને વહેંચી લીધી છે.
તેના પર તેણે કહ્યું હતું ‘હું અને આલિયા ફિલ્મ માટે મેનેજ કરીશું. જ્યારે તે કામ પર પરત ફરશે ત્યારે હું થોડા દિવસનો બ્રેક લઈશ. જ્યારે હું કામમાં વ્યસ્ત હોઈશ તો તે દીકરીની દેખરેખ રાખશે’. આલિયા ભટ્ટ અને રણબીર કપૂરની દીકરી રાહા એક મહિનાની થઈ ગઈ છે.
૬ નવેમ્બર, ૨૦૨૨ના રોજ તેનો જન્મ થયો હતો. તેને આ નામ દાદી નીતૂ કપૂરે આપ્યું છે અને આ અંગે ખુલાસો એક્ટ્રેસે તેની ઈન્સ્ટાગ્રામ પોસ્ટમાં કર્યો હતો. તેણે લખ્યું હતું ‘રાહા નામના (તેના અદ્દભૂત અને ચતુર દાદીએ પસંદ કર્યું છે) ઘણા સુંદર અર્થ થાય છે.
રાહાનો શુદ્ધ અર્થ દૈવી માર્ગ થાય છે. સ્વાહિલીમાં આ નામનો અર્થ ખુશી થાય છે. સંસ્કૃતમાં રાહાનો અર્થ સમૂહ થાય છે. બંગાળીમાં આરામ અને રાહત થાય છે. જ્યારે અરબી ભાષામાં શાંતિ થાય છે. ઉપરાંત આ નામનો અર્થ ખુશી, આઝાદી અને પરમ સુખ થાય છે.
પહેલીવાર જ્યારે અમે તેને હાથમાં ઊંચકી ત્યારે બધું જ અનુભવ્યું. રાહા અમારા પરિવારમાં પ્રાણ ફૂંકવા માટે તારો આભાર. એવું લાગે છે જાણે અમારી જિંદગી હજી શરુ જ થઈ છે’. વર્ક ફ્રંટની વાત કરીએ તો, આલિયા ભટ્ટ ખૂબ જલ્દી કરણ જાેહરની ફિલ્મ ‘રોકી ઔર રાની કી પ્રેમ કહાણી’માં રણવીર સિંહ સાથે જાેવા મળશે, જેમાં ધર્મેન્દ્ર, જયા બચ્ચન અને શબાના આઝમી પણ મહત્વના રોલમાં છે.SS1MS
