જયકાંત શિકરે દીપિકા પાદુકોણના સપોર્ટમાં આવ્યા
શાહરૂખ ખાન ચાર વર્ષ પછી ફિલ્મી પડદે કમબેક કરી રહ્યો છે અને વિવાદ થયો
મુંબઈ, બોલિવૂડ એક્ટર શાહરૂખ ખાન, દીપિકા પાદુકોણ અને જ્હોન અબ્રાહમ સ્ટારર ફિલ્મ પઠાણને લઈને ઘણો વિવાદ ચાલી રહ્યો છે. તેનું ગીત ‘બેશરમ રંગ’ રિલીઝ થયા બાદ ખાસ્સો હોબાળો મચી ગયો છે. દીપિકા પાદુકોણની ‘ભગવા બિકિની’એ ચર્ચા જગાવી છે.
હવે દક્ષિણના જાણીતા અભિનેતા પ્રકાશ રાજે ફિલ્મના મેકર્સના સમર્થનમાં ટિ્વટ કર્યું છે. દીપિકા પાદુકોણ, શાહરૂખ ખાન અને ‘પઠાણ’ ફિલ્મને સપોર્ટ કરતા સાઉથના પ્રખ્યાત અભિનેતા પ્રકાશ રાજે અનેક ટિ્વટ કર્યા છે. તેમણે ‘ભગવા બિકિની’ પર સવાલ ઉઠાવનારાઓને જાેરદાર જવાબ આપ્યો છે.
તેમણે લખ્યું, ‘શરમજનક… ક્યાં સુધી આ બધું સહન કરવું પડશે… કલર બ્લાઈન્ડ…’. તેમણે બીજું ટિ્વટ કર્યું, ‘બેશરમ…શું તે ઠીક છે જ્યારે ભગવા કપડા પહેરેલો વ્યક્તિ બળાત્કારીને હાર પહેરાવે છે.. નફરતભર્યા ભાષણો આપે છે..બ્રોકર ધારાસભ્ય…પણ આ ફિલ્મી ડ્રેસ ના હોઈ શકે?
ઈન્દોરમાં દેખાવકારો શાહરૂખ ખાનનું પૂતળું બાળી રહ્યા છે, તેમની માગ છે- ‘પઠાણ’ પર પ્રતિબંધ. શાહરૂખ ખાન ચાર વર્ષ પછી ફિલ્મી પડદે કમબેક કરી રહ્યો છે. જાન્યુઆરી ૨૦૨૩માં શાહરૂખ ખાનની ફિલ્મ પઠાણ રિલીઝ થઈ રહી છે.
ફિલ્મમાં શાહરૂખ ખાન સાથે દીપિકા પાદુકોણ પણ જાેવા મળવાની છે. આ ફિલ્મનું પહેલું ગીત ‘બેશરમ રંગ’ થોડા દિવસ પહેલા જ રિલીઝ થયું છે. ફિલ્મમાં દીપિકા પાદુકોણે પહેરેલી મોનોકિની અને બિકીની તેમજ શાહરૂખ સાથેની ઈન્ટેન્સ કેમેસ્ટ્રીને લઈને વિરોધ થઈ રહ્યો છે.
૧૪ ડિસેમ્બરે મધ્યપ્રદેશના એક મંત્રીએ ચેતવણી આપી હતી કે, જાે ‘પઠાણ’ના અમુક સીન્સ અને દીપિકાના કપડામાં ફેરફાર નહીં કરવામાં આવ્યો તો તેઓ પોતાના રાજ્યમાં ફિલ્મ રિલીઝ નહીં થવા દે. મધ્યપ્રદેશના ગૃહ રાજ્યમંત્રી ડૉ. નરોત્તમ મિશ્રાએ કહ્યું હતું કે, ટુકડે-ટુકડે ગેંગની સપોર્ટર દીપિકા પાદુકોણના કપડા વાંધાજનક છે.
આ ફિલ્મના સીન્સ અને દીપિકાના કપડાને વ્યસ્થિત કરવામાં આવે નહીં તો ફિલ્મ રિલીઝ નહીં થવા દઈએ. પઠાણ ફિલ્મ સિદ્ધાર્થ આનંદે ડાયરેક્ટ કરી છે. આ ફિલ્મનું ગીત ‘બેશરમ રંગ’ ૧૨ ડિસેમ્બરે રિલીઝ થયું છે.
માત્ર ગણતરીના કલાકોમાં જ ગીતને કેટલાય મિલિયન વ્યૂઝ મળ્યા હતા. ગીતમાં દીપિકા મોનિકિનીથી બિકીની સુધીના વિવિધ અવતારમાં જાેવા મળી હતી. પરંતુ ભગવા રંગની બિકીની પર બબાલ થઈ હતી. ઉલ્લેખનીય છે કે, શાહરૂખ ખાન અને દીપિકા પાદુકોણ ઉપરાંત જાેન અબ્રાહ્મ પણ જાેવા મળશે. આ ફિલ્મ ૨૫ જાન્યુઆરી ૨૦૨૩ના રોજ રિલીઝ થવાની છે.SS1MS
