બાલી જઈ રહેલી ફ્લાઈટ સાડા ૪ કલાક હવામાં રહી
નવી દિલ્હી, તાજેતરમાં બાલી જઈ રહેલી ફ્લાઈટના મુસાફરોને ઘણી હેરાનગતિનો સામનો કરવો પડ્યો હતો. ૨૭ ડિસેમ્બર મંગળવારે બાલી જઈ રહેલી ફ્લાઈટ મિસકોમ્યુનિકેશનના કારણે અધવચ્ચે અટવાઈ ગઈ હતી અને અંતે ફ્લાઈટને તે જ્યાંથી ઉપડી હતી ત્યાં પાછા ફરવું પડ્યું હતું.
જેટસ્ટાર ફ્લાઈટ ઓસ્ટ્રેલિયાના મેલબોર્નથી ઉડી હતી અને તેને બાલી જવાનું હતું. ક્રિસમસની ઉજવણીના મૂડમાં આ ફ્લાઈટમાં રહેલા પેસેન્જરો ઉત્સાહીત હતા. પરંતુ સાડા ચાર કલાક સુધી હવામાં રહ્યા બાદ ફ્લાઈટને પાછ મેલબોર્ન મોકલી દેવામાં આવી હતી.
જેના કારણે પેસેન્જર્સ રોષે ભરાયા હતા. આ ફ્લાઈટ મંગળવારે સાંજે ૬ વાગ્યે ઉપડવાની હતી પરંતુ પેસેન્જર્સને કહેવામાં આવ્યું હતું ફ્લાઈટ રાત્રે ૧૧ વાગ્યે ઉપડશે જેના કારણે તેઓ રોષે ભરાયા હતા.
અંતે ફ્લાઈટ ઉપડી હતી પરંતુ વેકેશન માણવા જઈ રહેલા લોકોને વધુ એક વખત નિરાશ થવું પડ્યું હતું કેમ કે બુધવારે સવારે બાલી પહોંચવાથી થોડી મિનિટો દૂર હતા ત્યારે ફ્લાઈટને પાછી મેલબોર્ન લઈ જવાની ફરજ પડી હતી.
કેટલાક પેસેન્જર્સે સોશિયલ મીડિયા પર લખ્યું હતું કે બાલી પહોંચવામાં ફક્ત ૪૦ મિનિટની વાર હતી ત્યારે તેમને મેસેજ મળ્યો હતો કે સત્તાવાળાઓએ પ્લેન લેન્ડ કરવાની મંજૂરી આપી ન હતી અને તેના બદલે અમારે પાછા ફરવું પડ્યું હતું.
ડેનિસ ડ્રેજર નામના એક પેસેન્જરે જણાવ્યું હતું કે આ ફ્લાઈટના કારણે તેમનું વેકેશન બરબાદ થઈ ગયું અને બાલીમાં લેન્ડ કરાવવાના બદલે તેમણે અમને મેલબોર્નની હોટલમાં મોકલી દીધા હતા અને અમને કોઈ જાતની સ્પષ્ટતા આપવામાં આવી ન હતી.
એક યુઝરે લખ્યું હતું કે ખૂબ સરસ જેટસ્ટાર. તમે ફરીથી આવું કરી દેખાડ્યું. વધુ પરિવારોના હોલીડેને બરબાદ કરી દીધા. જેટસ્ટારના પ્રવક્તાએ જણાવ્યું હતું કે, અમે ગઈ કાલે મેલબોર્નથી બાલી જવા નીકળ્યા હતા અને રજાઓના દિવસોમાં વધારે પેસેન્જર હોવાથી તે બોઈગિં ૭૮૭ એરક્રાફ્ટ હતું.
કમનસીબે મિસકોમ્યુનિકેશનના કારણે એરક્રાફ્ટને ઈન્ડોનેશિયાના સ્થાનિક રેગ્યુલેટર દ્વારા લેન્ડ કરવાની મંજૂરી આપવામાં આવી ન હતી. જ્યારે અમને જાણ થઈ ત્યારે અમે મેલબોર્ન પરત આવી ગયા હતા અને ત્યારપછીના દિવસ માટે પેસેન્જર્સની ટિકિટો બૂક કરી હતી.SS1MS
