અબ્દુ રોઝિક પછી હવે સાજિદ ખાન પણ શોને કહેશે અલવિદા
મુંબઈ, બિગ બોસ ૧૬માં પાછલું એક અઠવાડિયુ ઘણું સારુ રહ્યુ હતું. ઘરના તમામ સભ્યોને પોતાના પરિજનોને મળવાની અને તેમની સાથે સમય પસાર કરવાની તક મળી હતી. બધાએ સાથે મળીને ખૂબ મસ્તી પણ કરી હતી. પરંતુ હવે ફેન્સને અને ઘરના સભ્યોને એક પછી એક ત્રણ ઝાટકા મળ્યા છે.
સૌથી પહેલા તો એલિમિનેશન રાઉન્ડમાં શ્રીજિતા ડે આઉટ થઈ ગઈ. ત્યારપછી શનિવારના એપિસોડમાં જાણવા મળ્યું કે, અબ્દુ અને તેની ટીમે મળીને ર્નિણય લીધો છે કે તે અન્ય કામને કારણે આ શૉને અલવિદા કહેશે. અબ્દુના ગયા પછી ઘરમાં ગમગીની છવાઈ ગઈ હતી.
ઘરના તમામ સભ્યો ભાવુક થઈ ગયા હતા. અબ્દુના ખાસ મિત્રો જેમ કે શિવ, સાજિદ, સ્ટેન, નિમૃત અને સ્ટેન ચોધાર આંસુએ રડ્યા હતા. અને હવે મેકર્સે જે પ્રોમો શેર કર્યો છે તેના પરથી લાગે છે કે હવે મંડળી વિખરાઈ જવાની છે.
મેકર્સે શેર કરેલા પ્રોમો અનુસાર, હવે સાજિદ ખાન પણ ઘરમાંથી બહાર થવાનો છે. બિગ બોસ કહી રહ્યા છે કે, સાજિદ, તમે શૉમાં આવીને પોતાના મિત્રો અને પરિવારના લોકોથી દૂર રહેવાનો ર્નિણય લીધો હતો અને હવે તમે ફરી એકવાર કપરો ર્નિણય લીધો છે.
તમે કદાચ આ શૉના એકમાત્ર એવા સભ્ય છો જેમનું ઘરના તમામ સભ્યો સન્માન કરતા હશે. સાજિદ તમે જે સેંકડો યાદગાર કિસ્સા ઘરમાં શેર કર્યા છે, આશા છે કે તેમાં બિગ બોસનો આ એક કિસ્સો પણ ઉમેરાઈ જશે. બિગ બોસની સ્પીચ સાંભળીને સાજિદ ખાનની આંખો પણ ભરાઈ આવે છે.
સાજિદ ખાન પણ રડવા લાગે છે. સાજિદ ખાન ઘરના તમામ સભ્યોને હાથ જાેડીને કહે છે કે, મારી જેની પણ સાથે લડાઈ થઈ હોય, હાથ જાેડીને માફી માંગુ છું. પણ તમે લોકોએ મને ખૂબ સપોર્ટ આપ્યો છે. આભાર. આ દરમિયાન નિમૃત, સુમ્બુલ ચોધાર આંસુએ રડતી જાેવા મળે છે. સ્ટેન અને શિવ પણ ઉદાસ થઈ જાય છે. સાજિદ ખાન સાથે લડાઈ કરતી રહેતી અર્ચના પણ ભાવુક થઈ જાય છે.
સાજિદ ખાન માટે ઘરમાં સ્પેશિયલ વ્યવસ્થા કરવામાં આવી છે. ઘરમાં પસાર કરવામાં આવેલી ખાસ ક્ષણોને ફોટો ફ્રેમમાં કંડારીને ગાર્ડન એરિયામાં મૂકવામાં આવે છે. સાજિદ ખાનની કહેવાતી મંડળી એકબીજાને ભેટીને ખૂબ રડે છે. ઉલ્લેખનીય છે કે અબ્દુ રોઝિકના ગયા પછી શિવ ઠાકરે ચોધાર આંસુએ રડી પડે છે. તેને સંભાળવો મુશ્કેલ બની ગયો હતો. ઉલ્લેખનીય છે કે, આ સિઝન હવે ફિનાલે તરફ જઈ રહી છે.
અત્યાર સુધી ઘરમાં ૧૨ સભ્યો બાકી રહ્યા હતા. આ સિઝનમાં ઘણી વાર એવિક્શન રદ્દ કરવામાં આવ્યું છે. શૉમાં વાઈલ્ડ કાર્ડ એન્ટ્રી પણ કરવામાં આવી હતી. પરંતુ આ અઠવાડિયામાં એકસાથે ૩ સભ્યો આઉટ થઈ ગયા. હવે ઘરમાં શિવ ઠાકરે, સુમ્બુલ તૌકીર ખાન, એમસી સ્ટેન, નિમૃત કૌર, ટીના દત્તા, શાલીન ભનોટ, અર્ચના ગૌતમ, સૌંદર્યા શર્મા અને પ્રિયંકા ચહર ચૌધરી બાકી રહ્યા છે.SS1MS
