અભિનેત્રી એવલિન શર્માએ કરી પ્રેગ્નેન્સીની જાહેરાત

મુંબઈ, રણબીર કપૂર અને દીપિકા પાદુકોણ સ્ટારર ફિલ્મ યે જવાની હૈ દિવાનીમાં મહત્વના રોલમાં જાેવા મળેલી એવલિન શર્મા ફરીથી પ્રેગ્નેન્ટ છે.

આ અંગેની જાહેરાત તેણે સોશિયલ મીડિયા પર આપી હતી. જેમાં તેણે તે અને પતિ તુષાન ભિંડી ફરીથી પેરેન્ટ્‌સ બનવા જઈ રહ્યા હોવાનું જણાવ્યું હતું. જણાવી દઈએ કે, તેઓ પહેલાથી જ એક દીકરી એવા રાનિયા ભિંડીંના માતા-પિતા છે, જેનો જન્મ નવેમ્બર, ૨૦૨૧માં થયો હતો.

એવલિને તેના ઈન્સ્ટાગ્રામ હેન્ડલ પર બે તસવીરો શેર કરી છે. જેમાંથી એકમાં તે કેમેરા સામે પોઝ આપતી વખતે સ્માઈલ કરતી દેખાઈ જ્યારે બીજી તસવીરમાં તેણે બેબી બમ્પ ફ્લોન્ટ કર્યો છે. તસવીરમાં એક્ટ્રેસને બ્લેક કલરની સ્પોર્ટ્‌સ બ્રા અને બ્લેક શ્ વ્હાઈટ પેન્ટમાં જાેઈ શકાય છે.

તેણે પોતાના વાળ ખુલ્લા રાખ્યા છે. એવલિન શર્માએ પોસ્ટના કેપ્શનમાં લખ્યું છે તને મારા હાથમાં પકડવાની રાહ જાેઈ શકતી નથી. બીજું બાળક આવી રહ્યું છે. #babybhindi #babynumber2 #anotherone #evelynsharma #growingourfamily #familyiseverything #love”. એક્ટરે નીલે કોમેન્ટ કરતાં લખ્યું છે ‘અભિનંદ, આ ખરેખર અદ્દભુત સમાચાર છે’, સોનલ ચૌહાણે લખ્યું છે ‘છુુુુ અભિનંદન માય લવ’, આ સિવાય એલી અવરામ, લિઝા હેડન, અવીના શાહ, એલનાઝ નવરોઝી સહિતના ઈન્ડસ્ટ્રીના ફ્રેન્ડ્‌સે ટુ-બી-મમ્મી પર અભિનંદનનો વરસાદ કર્યો છે. તો નેહા ધૂપિયાએ કોમેન્ટ કરી.

એવલિન, જે હાલ પતિ સાથે ઓસ્ટ્રેલિયામાં રહે છે તેણે ૧૮મી નવેમ્બરે દીકરી એવાનો પહેલો બર્થ ડે સેલિબ્રેટ કર્યો હતો. આ માટે તેણે ફ્રેન્ડ અને પરિવાર માટે ગ્રાન્ડ પાર્ટીનું આયોજન પણ કર્યું હતું. પહેલી પ્રેગ્નેન્સી વખતે એવલિને એક વેબ પોર્ટલ સાથે વાત કરતાં તેણે કહ્યું હતું ‘બધું ઠીક ચાલી રહ્યું છે.

અમે અમારા પહેલા બાળકને હાથમાં લેવાની રાહ જાેઈ શકતા નથી. મહામારી દરમિયાન રહેવા માટે ઓસ્ટ્રેલિયા સારી જગ્યા છે. આ સિવાય નાના પરિવારની શરૂઆત કરવા માટે સારી જગ્યા પણ છે. પ્રેગ્નેન્સી દરમિયાન મારા નજીકના લોકો અને મિત્રો મારી પાસે છે.

એવલિન અને તુષાનની પહેલી મુલાકાત ૨૦૧૮માં બ્લાઈન્ડ ડેટ પર થઈ હતી, જે કોમન ફ્રેન્ડ દ્વારા ગોઠવવામાં આવી હતી. ત્યારબાદ તેમણે ૨૦૧૯માં લગ્ન કર્યા હતા.SS1MS