કેન્દ્રીય ગૃહ રાજ્ય મંત્રી નિત્યાનંદ રાયની હત્યાનું ષડયંત્ર નિષ્ફળ, એક જબ્બે
હાજીપુર, તા.૧૪
હાજીપુર પોલીસે કેન્દ્રીય ગૃહ રાજ્ય મંત્રી નિત્યાનંદ રાયની હત્યાના મોટા ષડયંત્રને નિષ્ફળ બનાવ્યું છે. હુમલાનું કાવતરું ઘડતો વીડિયો વાયરલ થયા બાદ પોલીસે યુવકની ધરપકડ કરી છે. પ્રાપ્ત માહિતી પ્રમાણે મહાશિવરાત્રીના અવસર પર હાજીપુર સ્થિત બાબા પાતાળેશ્વર નાથ મંદિરથી નીકળનારી શોભાયાત્રામાં કેન્દ્રીય રાજ્ય મંત્રી નિત્યાનંદ રાય પર હુમલો કરવાની તૈયારી કરવામાં આવી રહી હતી.દર વર્ષે કેન્દ્રીય ગૃહ રાજ્ય મંત્રી નિત્યાનંદ રાય પોતે હાજીપુરના બાબા પાતાળેશ્વર નાથ મંદિરથી નીકળતી શિવ બારાતમાં સામેલ થાય છે. બાબા ભોલેનાથને બળદગાડા પર સવારી કરાવીને નિત્યાનંદ ગાડાવાળા બને છે. સરઘસમાં લાખોની ભીડ એકઠી થાય છે. ભક્તો વચ્ચે લગભગ પાંચ કિલોમીટરનું અંતર નક્કી કરવામાં આવે છે. આ વખતે શિવ બારાતમાં નિત્યાનંદ રાયનો ભાગ લેવાનો કાર્યક્રમ નક્કી હતો. આ દરમિયાન બદમાશોની તેમના પર હુમલો કરવાની તૈયારી હતી.વાયરલ થયેલા વીડિયોમાં પકડાયેલ યુવક શોભાયાત્રા દરમિયાન કેન્દ્રીય મંત્રી નિત્યાનંદને ગોળી મારીને મોતને ઘાટ ઉતારવાની વાત કરતો જાેવા મળ્યો હતો. આ વાયરલ વીડિયોમાં કેટલાક યુવકો બેસીને એકબીજા સાથે વાત કરતા જાેવા મળી રહ્યા છે. ત્યારે જ એક યુવક નિત્યાનંદની સોપારી લેવાનું કહે છે. તે કહે છે કે, ત્રણ વર્ષથી શિવરાત્રિ પહેલા તેને સપનું આવે છે કે, તેણે નિત્યાનંદ રાયની હત્યા કરી નાખી છે. તે બળદ પર જઈ રહ્યો છે અને અમે ગોળીબાર કર્યો છે.વૈશાલી પોલીસે આ અંગે એક અખબારી યાદી બહાર પાડી જણાવ્યું હતું કે પોલીસને વોટ્સએપ પર એક વીડિયો મળ્યો હતો. જેમાં એક યુવક કેન્દ્રીય ગૃહ રાજ્ય મંત્રીને સંબોધિત કરતી વખતે અભદ્ર અને વાંધાજનક ટિપ્પણી કરી રહ્યો હતો અને તેમના પર હુમલાની વાત કરી રહ્યો હતો. આરોપીનું નામ માધવ કુમાર ઝા છે. માહિતી મળતાની સાથે જ વૈશાલી પોલીસ અધિક્ષક દ્વારા એક વિશેષ ટીમની રચના કરવામાં આવી હતી. ઝડપી કાર્યવાહી કરીને આરોપી યુવકની ધરપકડ કરી લેવામાં આવી છે.
