સુરતમાં બે વર્ષની બાળકીની દુષ્કર્મ બાદ હત્યા કરી દેવાઈ
સુરત, સુરેન્દ્રનગરમાં દોઢ વર્ષની બાળકીના મૃતદેહ સાથે કથિત રેપ બાદ હવે સુરતના સચિન વિસ્તારમાં બે વર્ષની બાળકીની દુષ્કર્મ બાદ હત્યાની ઘટનાથી ચકચાર મચી જવા પામી છે. પ્રાપ્ત માહિતી અનુસાર બળાત્કાર અને હત્યાના આરોપીને પોલીસે ગણતરીના કલાકોમાં ઝડપીની વિવિધ કલમો હેઠળ કેસ દાખલ કરીને કાયદેસરની કાર્યવાહી હાથ ધરી હોવાનું જાણવા મળ્યું છે. ઉલ્લેખનીય છે કે, ૩ દિવસ પહેલા જ સુરતમાં કોર્ટે એક દુષ્કર્મની ફાંસીની સજા ફટકારી છે. ત્યારે ફરી આવી જ ઘટના સુરત ફરી લજવાયું છે. ઘટનાને પગલે બાળકીના મૃતદેહનો પોસ્ટમોર્ટમ માટે હોસ્પિટલ ખસેડવામાં આવ્યો હતો.
મીડિયા રિપોર્ટ અનુસાર સચિનના કપલેથા ગામમાં રહેતી બે વર્ષની બાળકીને એ જ ગામમાં પાડોશમાં રહેતા ૨૩ વર્ષીય ઈસ્માઈલ યુવકે દુષ્કર્મ કરી હત્યા કરી દીધી. આરોપી ઈસ્માઈલ યુસુફ બાળકીના ઘરે આવતો જતો રહેતો હતો. આ દરમિયાન સોમવારે સાંજે તે બાળકીને રમાડવા માટે લઈ ગયો અને મોડે સુધી પરત ન ફરતા પરિવારે શોધખોળ હાથ ધરી હતી. આ દરમિયાન ખુલ્લી જગ્યામાં ઝાડીઓમાંથી બાળકીની લાશ મળી આવી હતી. પરિવારે તાત્કાલિક જાણ કરતા ઉચ્ચ અધિકારીઓ સહિતનો પોલીસ કાફલો ઘટનાસ્થળે દોડી ગયો હતો. બનાવને પગલે આસપાસના લોકો પણ એકઠા થઈ ગયા હતા.
ઉલ્લેખનીય છે કે, ૩ દિવસ પહેલા સુરતમાં ચકચારી બનેલા રેપ વિથ મર્ડર કેસમાં કોર્ટે આરોપીને ફાંસીની સજા ફટકારી છે. ૭મી ડિસેમ્બરે સુરતના ચોકબજાર વિસ્તારમાં આરોપીએ માસૂમ બાળકી પર રેપ કર્યો હતો અને ત્યારબાદ તેની હત્યા કરી દીધી હતી. આ કેસમાં ક્રાઈમબ્રાંચે આરોપી મુકેશ પંચાલની ધરપકડ કરી હતી. આ કેસની બે મહિનામાં જ ટ્રાયલ પૂરી કરી દેવામાં આવી અને આરોપીને ફાંસીની સજા ફટકારવામાં આવી છે.
સુરતના ચોકબજાર વિસ્તારમાં ૭મી ડિસેમ્બરે એક પરપ્રાંતિય પરિવારની સાત વર્ષની બાળકીનું અપહરણ થયુ હતુ. ગુમ થયેલી બાળકીને પરિવાર શોધી રહ્યો હતો ત્યારે એક મકાનમાંથી બાળકી મૃત હાલતમાં મળી આવી હતી.મુકેશ પંચાલ નામના વ્યક્તિએ જ બાળકીનું અપહરણ કર્યુ હતુ અને તેના પર દૂષ્કર્મ ગુજારીને તેની હત્યા કરી દીધી હતી. આરોપી મુકેશે બાળકીની હત્યા કરીને તેના મૃતદેહને કોથળામાં ભરી દીધો હતો અને તે કોથળો પલંગમાં મુકી ફરાર થઈ ગયો હતો. સમગ્ર મામલે સુરતના ચોકબજાર પોલીસ સ્ટેશનમાં ફરિયાદ નોંધાઈ હતી. ત્યારબાદ પોલીસે આરોપીની ધરપકડ કરીને કોર્ટમાં રજૂ કર્યો હતો. SS3.PG
