ફલાઇટમાં ફરી પેશાબ કાંડ, એર ઈન્ડિયામાં બની ઘટના
નવી દિલ્હી, ફ્લાઈટમાં પેશાબ કરવાનો વધુ એક કિસ્સો પ્રકાશમાં આવ્યો છે, હવે એર ઈન્ડિયાની ફ્લાઈટમાં પેસેન્જરે ફ્લોર પર પેશાબ કર્યો. આ ઘટના મુંબઈથી દિલ્હી આવી રહેલી ફ્લાઈટમાં બની હતી, ત્યારબાદ આરોપીની દિલ્હી એરપોર્ટ પરથી ધરપકડ કરવામાં આવી હતી. ફ્લાઈટ કેપ્ટન તરફથી આઈજીઆઈ એરપોર્ટ પર પોલીસ સ્ટેશનમાં ફરિયાદ દાખલ કરવામાં આવી હતી, ત્યારબાદ દિલ્હી પોલીસે આરોપીની ત્યાંથી ધરપકડ કરી હતી. Urine scandal happened again in Air India flight
આરોપીનું નામ રામ સિંહ જણાવવામાં આવ્યું છે. મળતી માહિતી મુજબ, આ ઘટના ૨૪ જૂને એર ઈન્ડિયાની ફ્લાઈટમાં બની હતી. પોલીસ સ્ટેશનમાં નોંધાયેલી એફઆઈઆર અનુસાર, રામ સિંહ નામના એક મુસાફરે વિમાનના ફ્લોર પર શૌચ કર્યું અને પેશાબ કર્યો અને પછી થૂંક્યું.
પોલીસ સૂત્રોએ જણાવ્યું કે આ દરમિયાન ક્રૂ મેમ્બર્સે મુસાફરને મૌખિક ચેતવણી આપી હતી, પરંતુ તેમ છતાં તે રોકાયો નહોતો. એરલાઈન્સ દ્વારા આપવામાં આવેલી માહિતી મુજબ કેબિન ક્રૂએ ચેતવણી આપ્યા બાદ ફ્લાઈટના કેપ્ટનને જાણ કરી હતી.
આ પછી, કેપ્ટને કંપનીને એક સંદેશ મોકલ્યો, જેમાં એરપોર્ટ સુરક્ષાને આરોપી વ્યક્તિને એરપોર્ટ પર પકડવાનું કહેવામાં આવ્યું. એરલાઇન કંપનીએ જણાવ્યું કે એકસાથે મુસાફરી કરી રહેલા લોકોએ આનો વિરોધ કર્યો અને તેઓ આનાથી ખૂબ ગુસ્સે થયા, ત્યારબાદ કેબિન ક્રૂએ તમામ મુસાફરોને શાંત કર્યા. તમામને કહેવામાં આવ્યું હતું કે આરોપીને પોલીસને હવાલે કરવામાં આવશે.
મળતી માહિતી મુજબ, આરોપી વ્યક્તિ આફ્રિકામાં રસોઈયા તરીકે કામ કરે છે. જે એર ઈન્ડિયાની ફ્લાઈટ AI ૮૬૬ થી મુંબઈ જઈ રહી હતી. વાત કરતા દિલ્હી પોલીસના એક વરિષ્ઠ અધિકારીએ કહ્યું, ‘દિલ્હી પોલીસે ફ્લાઈટ કેપ્ટનની ફરિયાદ પર કલમ ૨૯૪/૫૧૦ હેઠળ કેસ નોંધ્યો છે. આરોપી મુસાફરની ધરપકડ કરવામાં આવી હતી, ત્યારબાદ તેની પૂછપરછ કરવામાં આવી હતી. તેને કોર્ટમાં રજૂ કરવામાં આવ્યો હતો, જ્યાંથી તેને જામીન મળી ગયા હતા.
હાલ આ કેસની તપાસ ચાલી રહી છે. આવી જ એક ઘટના ૨૬ નવેમ્બર, ૨૦૨૨ ના રોજ નોંધાઈ હતી, જેમાં ન્યૂયોર્કથી દિલ્હી જતી એર ઈન્ડિયાની ફ્લાઈટમાં સવાર એક મહિલા સહ-યાત્રી પર નશામાં ધૂત વ્યક્તિએ કથિત રીતે પેશાબ કર્યો હતો.
પેરિસ-નવી દિલ્હી એર ઈન્ડિયાની ફ્લાઈટમાં માત્ર દસ દિવસ પછી, ૬ ડિસેમ્બરના રોજ નશામાં ધૂત પુરુષ મુસાફર મહિલા પેસેન્જરના બ્લેન્કેટ પર પેશાબ કર્યો હોવાની બીજી ઘટના નોંધાઈ હતી.SS1MS
