પ્રેક્ટિસ મેચ રમ્યા હોત તો શ્રેણી જીતવાની તક હતી : ગાવસ્કર
નવી દિલ્હી, ભારતે બીજી ટેસ્ટ મેચમાં દક્ષિણ આફ્રિકાને ખરાબ રીતે કચડી નાખ્યું છે. પ્રથમ ટેસ્ટ મેચમાં હારનો સામનો કરી રહેલી ટીમ ઈન્ડિયાએ બીજી ટેસ્ટ માત્ર બે દિવસમાં જીતી લીધી હતી. દક્ષિણ આફ્રિકાના બેટ્સમેનો ભારતીય બોલરો સામે ખરાબ રીતે નિષ્ફળ રહ્યા હતા. યજમાન ટીમ બંને દાવમાં સંયુક્ત રીતે ૨૩૧ રન જ બનાવી શકી હતી. ૧૪૬ વર્ષના ક્રિકેટ ઈતિહાસમાં આ સૌથી ટૂંકી ટેસ્ટ મેચ છે.
આ જીત બાદ પૂર્વ ભારતીય ક્રિકેટર સુનીલ ગાવસ્કરે ખુશીની સાથે દુખ પણ વ્યક્ત કર્યું હતું. સુનીલ ગાવસ્કરે કહ્યું કે આ મેચ દોઢ દિવસમાં પૂરી થઈ ગઈ. તેનાથી સાબિત થાય છે કે આ સાઉથ આફ્રિકાની ટીમ કેટલી નબળી છે. જાે ભારત વધુ સારી રીતે તૈયાર થઈને પ્રેક્ટિસ રમતો રમ્યું હોત, તો તેમાં કોઈ શંકા નથી કે તેઓ શ્રેણી જીતીને પરત ફર્યા હોત. પરંતુ દુઃખની વાત એ છે કે ફાઈનલ ફ્રન્ટિયર તરીકે ઓળખાતી સિરીઝ જીતવા માટે આપણે હજુ ૪ વર્ષ રાહ જાેવી પડશે.
સ્ટાર સ્પોર્ટ્સના પોસ્ટ મેચ શોમાં ઈરફાન પઠાણે પણ ગાવસ્કરની સાથે સહમત થયા હતા. ઈરફાન પઠાણે કહ્યું, ‘હું આ મેચના પરિણામથી ખુશ અને દુખી છું. ભારતની શાનદાર જીતની શુભેચ્છા. પરંતુ મને એ વાતનું પણ દુઃખ છે કે અહીં ભારતને શ્રેણી જીતવાની તક મળી. જાે અમે પહેલા એડજસ્ટમેન્ટ માટે તૈયાર થયા હોત તો અમે આ સિરીઝ પણ જીતી શક્યા હોત.
સુનીલ ગાવસ્કરે પણ કહ્યું કે આ એક યાદગાર ક્ષણ છે. આ મેચ રમનારા ભારતીય ક્રિકેટરો જ્યારે થોડા વર્ષો પછી આ ક્ષણને યાદ કરશે તો તેમની ખુશીમાં વધુ વધારો થશે. આવી જીત એ સિદ્ધિઓ છે, જે તમને પાછળથી પણ ખુશી આપે છે. SS2SS
