ઉદયપુરમાં લગ્ન બાદ હૈદરાબાદમાં વિજય-રશ્મિકાનું ગ્રાન્ડ રિસેપ્શન

મુંબઈ, લાંબા સમયથી ચાલી રહેલી અટકળો અને ચાહકોની આતુરતાનો અંત આવ્યો છે. દક્ષિણ ભારતીય સિનેમાનું સૌથી લોકપ્રિય કપલ રશ્મિકા મંદાના અને વિજય દેવરકોંડા હવે એકબીજાના જીવનસાથી બની ગયા છે.

૨૬ ફેબ્રુઆરીના રોજ રાજસ્થાનના શાહી શહેર ઉદયપુરમાં એક ખાનગી પણ અત્યંત ભવ્ય સમારોહમાં સાત ફેરા લીધા બાદ, આ જોડી હવે લગ્નનું જશ્ન મનાવવા માટે હૈદરાબાદ પહોંચી છે. સોશિયલ મીડિયા પર તેમના લગ્નની તસવીરોએ અત્યારે ભારે ધૂમ મચાવી છે.આજે એટલે કે ૪ માર્ચના રોજ હૈદરાબાદમાં આ કપલ માટે એક ભવ્ય રિસેપ્શનનું આયોજન કરવામાં આવ્યું હતું. નવી પરણેલી દુલ્હન તરીકે રશ્મિકાનો નિખાર અને વિજયનો ટ્રેડિશનલ લુક ચાહકોના દિલ જીતી રહ્યો છે.

આ ખાસ સાંજ માટે રશ્મિકાએ લાલ રંગની સિલ્ક સાડી પસંદ કરી હતી, જેમાં તે અપ્સરા જેવી સુંદર લાગતી હતી. ભારે જ્વેલરી, કપાળમાં નાની બિંદી અને ચહેરા પર તેની સિગ્નેચર સ્મિત સાથે રશ્મિકાએ મહેફિલ લૂંટી લીધી હતી.બીજી તરફ, વિજય દેવરકોંડાએ પણ પોતાની સાદગીથી સૌનું ધ્યાન ખેંચ્યું હતું. વિજયે પરંપરાગત સફેદ કુર્તા અને ધોતી ધારણ કરી હતી.

ખભા પર અંગવસ્ત્રમ અને સ્ટાઇલિશ મૂછો સાથે વિજય સંપૂર્ણપણે દેશી રંગમાં રંગાયેલો જોવા મળ્યો હતો. આ જોડીએ હાથ જોડીને અને નમ્રતા સાથે પેપરાઝીનું અભિવાદન કર્યું હતું. બંને વચ્ચેની કેમેસ્ટ્રી તસવીરોમાં સ્પષ્ટપણે જોવા મળી રહી છે, જે તેમના અતૂટ પ્રેમની સાક્ષી પૂરે છે.SS1MS