વડોદરાના પદમલા ગામમાં બે જૂથો વચ્ચે પથ્થરમારો

વડોદરા, વડોદરા શહેરના છાણી પોલીસ સ્ટેશન વિસ્તારમાં આવેલ પદમલા ગામમાં બે જૂથો વચ્ચે અથડામણ સર્જા હતી. જૂની અદાવતને લઈને બંને પક્ષો વચ્ચે પહેલા ઉગ્ર બોલાચાલી અને મારામારી થઈ હતી.

મારામારી બાદ મામલો વધુ તંગ બનતા બંને જૂથો વચ્ચે પથ્થરમારો શરૂ થયો હતો. પથ્થરમારાની ઘટનાને કારણે વિસ્તારમાં અફરાતફરીનો માહોલ સર્જાયો હતો.ઘટનાની જાણ થતા જ છાણી પોલીસ સ્ટેશનની ટીમ તાત્કાલિક સ્થળ પર દોડી આવી હતી. પોલીસે પરિસ્થિતિ કાબૂમાં લેવા માટે તાત્કાલિક કાર્યવાહી હાથ ધરી હતી. બંને પક્ષના આશરે ૧૦ થી ૧૫ લોકોને પોલીસે અટકાયત કરી છે.ઘટના બાદ સમગ્ર વિસ્તારમાં ભારે પોલીસ બંદોબસ્ત ગોઠવવામાં આવ્યો છે.

સ્થાનિક લોકોમાં પણ ઘટનાને લઈને ચિંતા અને ભયનો માહોલ જોવા મળ્યો હતો. ઘટનામાં ચારથી પાંચ લોકો ઇજાગ્રસ્ત થયા હતા. લોકોના ઘર અને મંદિરમાં ઈંટ-પથ્થર પડેલા જોવા મળ્યા હતા.પોલીસ દ્વારા બંને જૂથોને સમજાવી પરિસ્થિતિ શાંત કરવાના પ્રયાસો કરવામાં આવ્યા હતા. આ બનાવને લઈને પોલીસ વધુ તપાસ શરૂ કરી છે.

જૂની અદાવતને કારણે જ આ અથડામણ સર્જા હોવાની પ્રાથમિક માહિતી મળી રહી છે. પોલીસ દ્વારા સમગ્ર મામલે કાયદેસરની કાર્યવાહી હાથ ધરવામાં આવી રહી છે. સ્થિતિ હાલમાં પોલીસ કાબૂમાં હોવાનું અધિકારીઓએ જણાવ્યું છે. આગામી સમયમાં આવી ઘટના ન બને તે માટે પોલીસ દ્વારા નજર રાખવામાં આવી રહી છે.SS1MS