સલમાન ખાને આખરે દિલ રાજુ અને વામશી સાથેની ફિલ્મ અનાઉન્સ કરી

મુંબઈ, સલમાન ખાન દિલ રાજુ અને નેશનલ એવોર્ડ વિજેતા વામશી પાઈદિપલ્લી સાથે એક એક્શન થ્રિલર માટે હાથ મિલાવી રહ્યો હોવાના અહેવાલો થોડા દિવસથી આવી રહ્યા હતા. ત્યારે હવે આખરે સલમાન ખાને તેના આ કોલબરેશનની જાહેરાત કરી દીધી છે.

સલમાન ખાને પ્રોડ્યુસર દિલ રાજુ સાથે હાથ મિલાવ્યો છે. આ બંને હાઈ-ઓક્ટેન માસ એન્ટરટેઈનર માટે સાથે આવી રહ્યા છે, જેનું ડિરેક્શન નેશનલ એવોર્ડ વિજેતા ફિલ્મમેકર વામશી પાઈદિપલ્લી કરશે. આ ફિલ્મ એપ્રિલમાં ફ્લોર પર જશે એવી ચર્ચા છે. હવે મેકર્સે સત્તાવાર રીતે ફિલ્મની જાહેરાત કરી છે.સલમાન ખાને પોતાના સોશિયલ મીડિયા હેન્ડલ પર જાહેરાત કરી કે તે ખરેખર દિલ રાજુ સાથે પોતાના આગામી પ્રોજેક્ટ માટે જોડાઈ રહ્યો છે.

તેણે ખુલાસો કર્યાે કે તે ડિરેક્ટર વામશી પાઈદિપલ્લીની હિન્દી ડેબ્યૂ ફિલ્મ માટે એપ્રિલ ૨૦૨૬થી શૂટિંગ શરૂ કરશે.પ્રોડક્શન હાઉસે પણ જાહેર કર્યું છે કે તેમની આવનારી એક્શન થ્રિલરનું હાલનું નામ એસવીસી૬૩ છે.

તેમણે વધુમાં ઉમેર્યું, “સલમાન ખાન એક ફેનોમેનન જેણે વિશ્વભરના દર્શકોને અસંખ્ય ઉજવણીની ક્ષણો આપી છે. હવે અમારા પોતાના, પ્રિય બ્લોકબસ્ટર ફિલ્મમેકર વામશી પાઇદિપલ્લી સાથે એસવીસી૬૩ માટે હાથ મિલાવીએ છીએ. આ ફિલ્મ આ એપ્રિલથી ફ્લોર પર જશે. ફિલ્મ ગૌરવ માટે નિર્ધારિત છે.”થોડા દિવસો પહેલા, એક વિશ્વસનીય સુત્રએ માહિતી આપી હતી કે સલમાન ખાનની આગામી મોટી ફિલ્મ બહુ મોટા બજેટ પર બનાવવામાં આવશે. સુત્રએ જણાવ્યું, “સલમાનને સ્ક્રિપ્ટ અને તેમાં રહેલા કમર્શિયલ તત્વો ખુબ ગમ્યા.

આ એક હાઈ-ઓક્ટેન એક્શન થ્રિલર છે જેમાં મજબૂત ઈમોશન છે. વામશી પાઈદિપલ્લી સલમાન ખાનને સંપૂર્ણપણે નવા અવતારમાં, અલગ લુક સાથે રજૂ કરવાની યોજના બનાવી રહ્યા છે, જે તેમને તરત જ ગમી ગયું.”હાલમાં, સલમાન પોતાની વોર ફિલ્મ માતૃભૂમિની રિલીઝ માટે આતુર છે, જે ૧૭ એપ્રિલ ૨૦૨૬એ સિનેમાઘરોમાં આવશે. આ ફિલ્મ દર્શકો સમક્ષ રજૂ થયા બાદ અને અન્ય કમિટમેન્ટ્‌સ પૂર્ણ કર્યા પછી, સલમાન ખાન આ ફિલ્મનું શૂટિંગ શરૂ કરશે.

એક્શન થ્રિલર વિશે વધુ વિગતો આપતાં, સુત્રએ ઉમેર્યું, “આ ફિલ્મને એક મોટા સ્કેલના થિયેટ્રિકલ સ્પેક્ટેકલ તરીકે ડિઝાઇન કરવામાં આવી છે, જેમાં મજબૂત પેન-ઇન્ડિયા અપીલ છે. શૂટિંગ એપ્રિલમાં શરૂ થવાનું છે અને મેકર્સનું ૨૦૨૭માં મોટા પડદા પર રિલીઝ કરવાનું લક્ષ્ય છે.”

આ ફિલ્મમાં હિન્દી અને સાઉથ ઇન્ડિયન ફિલ્મ ઇન્ડસ્ટ્રીમાંથી એક વિશાળ એન્સેમ્બલ કાસ્ટ હશે. વધુમાં, સલમાન એક ક્યારેય ન જોવામાં આવેલા અવતારમાં જોવા મળશે.આ સિવાય, સલમાન પાસે ફિલ્મમેકર જોડી રાજ નિદીમોરુ અને કૃષ્ણા ડીકેનો પ્રોજેક્ટ પણ પાઈપલાઈનમાં છે, આ એક એક્શન-કોમેડી ફિલ્મ હશે, જે ૨૦૨૬ના અંત સુધીમાં ફ્લોર પર જઈ શકે છે.SS1MS