લુપ્ત પ્રજાતિના કીડીખાઉંની તસ્કરી કરતા મહારાષ્ટ્રના ત્રણ ઝડપાયા
ગઢચિરોલીથી અમદાવાદ વેચાણ માટે લઈ જવાતું જીવતું કીડીખાઉં (પેંગોલીન) સેવાલીયા પોલીસે જૂની ચેકપોસ્ટ પાસેથી ઝડપી પાડ્યું
(પ્રતિનિધિ) નડિયાદ, સેવાલીયા નજીક મહીસાગર નદી પુલ પાસે આવેલ જૂની ચેકપોસ્ટ ખાતેથી પોલીસે ગઈકાલે વાહન ચેકિંગ દરમિયાન એક કારમાં બેગ માં છુપાવી લુપ્ત પ્રજાતિના જીવીત કીડીખાઉં (પેંગોલીન) ગેરકાયદેસર તસ્કરી કરતા મહારાષ્ટ્રના ત્રણ શખ્સોને ઝડપી પાડ્યા છે
પોલીસની પ્રાથમિક તપાસમાં મહારાષ્ટ્રના ગઢચિરોલી અને નાગપુરથી આ દુર્લભ પ્રાણીને અમદાવાદ ખાતે ઉંચા ભાવે વેચવા માટે લઈ જવામાં આવી રહ્યું હોવાનો ખુલાસો થયો છે
પ્રાપ્ત માહિતી અનુસાર સેવાલીયા પોલીસ મથકના પી.આઈ એસ.કે. કાંબડ, હે કો રાહુલકુમાર, ભરતભાઈ ની ટીમ દ્વારા ગઈ કાલે મહીસાગર નદી નજીક આવેલી જૂની પોલીસ ચેકપોસ્ટ પાસે વાહન ચેકિંગની કામગીરી હાથ ધરવામાં હતી.
આ દરમિયાન પોલીસે ગોધરા તરફથી આવતી એક મારુતિ અર્ટિગા કાર નંબર ૦૦૫૧ ને રોકીને તપાસ હાથ ધરી હતી. જેમાં પોલીસે કાર ની પાછળની સીટ પર રાખેલ એક આસમાની રંગની સૂટકેસ ખોલાવતા પોલીસને તેમાંથી અત્યંત દુર્લભ અને લુપ્ત થતી પ્રજાતિનું ગણાતું જીવતું ‘કીડીખાવ’ એટલે કે પેંગોલીન મળી આવ્યું હતું.
જેના પગલે પોલીસ ચોકી ઉઠી હતી પોલીસે આ અત્યંત દુર્લભ અને લુપ્ત થતી પ્રજાતિનું ગણાતું જીવતું ‘કીડીખાવ’ એટલે કે પેંગોલીન અને કાર કબજે લઈ પોલીસે કારમાં સવાર રવિન્દ્ર શંકર બારસાગડે (રહે. ચામોસી, ગઢસીરોલી), નીતિન નારાયણ ચૌહાણ (રહે. વાયગાગુટરલી, નાગપુર) અને દિનેશ પ્રભાકર જોડે (રહે. ઉમરેડ, નાગપુર) ની અટકાયત કરી હતી બાદ પોલીસે ત્રિપુટી ની હાથ ધરેલ પ્રાથમિક પૂછપરછમાં તેઓ આ પેંગોલીનને મહારાષ્ટ્રના ગઢચિરોલી અને નાગપુર વિસ્તારમાંથી લાવ્યા હતા અને તેને અમદાવાદમાં કોઈ ગ્રાહકને વેચવા જઈ રહ્યા હોવાનો ખુલાસો થયો હતો
બાદ પોલીસે આ અત્યંત દુર્લભ અને લુપ્ત થતી પ્રજાતિનું ગણાતું જીવતું ‘કીડીખાવ’ એટલે કે પેંગોલીન પ્રાણીને જાળવણી માટે ડાકોરના રેન્જ ફોરેસ્ટ ઓફિસર ને સોંપવામાં આવ્યું હતું સેવાલિયા પોલીસે આ અંગે ત્રિપુટી વિરુદ્ધ ગુનો નોંધી કાયદેસર કાર્યવાહી હાથ ધરી છે.
