આણંદના એક મોલમાં સ્પાની આડમાં ચાલતું હાઈપ્રોફાઈલ સેક્સ રેકેટ ઝડપાયું

આણંદ, આણંદ એસ.ઓ.જી. પોલીસે એક મોટી કાર્યવાહી હાથ ધરીને શહેરના પોશ વિસ્તારમાં આવેલા શાન મોલમાં ચાલતા કુટણખાનાનો પર્દાફાશ કર્યાે છે. પોલીસે ‘ધી વન એ લીલી સ્પા એન્ડ ગ્›પ વેન્ચર’ નામના સ્પા સેન્ટર પર દરોડો પાડયો હતો.

જેમાં વિદેશી યુવતીઓ પાસે દેહવિક્રય કરાવતા મોટા સેકસ રેકેટને ઝડપી પાડીને થાઈલેન્ડની ૮ યુવતીઓ સહિત ૧૪ જણાંને ઝડપી પાડીને આગળની કાર્યવાહી હાથ ધરી છે. આણંદ શહેર અને સાક્ષર નગરી વિદ્યાનગરમાં છેલ્લા કેટલાય સમયથી સ્પા સેન્ટરની આડમાં અનૈતિક પ્રવૃત્તિઓ ફૂલીફાલી હોવાની ફરિયાદો અવારનવાર મળતી રહે છે.

આ દરમિયાન આણંદની એસઓજી પોલીસને બાતમી મળી હતી કે આણંદ શહેરમાં સરદાર પટેલ રાજમાર્ગ પર આવે શાન મોલમાં પ્રથમ માળે આવેલા ધી વન એ લીલી સ્પા એન્ડ ગ્›પ વેન્ચર’નામના સ્પા સેન્ટરમાં ગ્રાહકોને આકર્ષવા માટે ખાસ વિદેશથી યુવતીઓ બોલાવવામાં આવે છે. જે બાતમીનાં આધારે એસઓજી પોલીસે આ સ્થળે છાપો મારતાં સ્પામાંથી થાઈલેન્ડની ૮ યુવતીઓ અને એક ભારતીય યુવતી મળી આવી હતી.

તેમજ ત્રણ ગ્રાહકો પણ રંગરેલીયા મનાવતા ઝડપાયા હતા, પોલીસે સ્પા સેન્ટરની આડમાં સેકસ રેકેટ ચલાવતા બે સંચાલકોની પણ ધરપકડ કરી હતી.આ સ્પા સેન્ટર કેટલા સમયથી ચાલતું હતું અને આ પોશ વિસ્તારમાં આ પ્રકારની અનેતિક પ્રવૃત્તિઓની પાછળ કોણ મુખ્ય સૂત્રધાર છે તેમજ અગાઉ આવા ગુનાહિત કૃત્ય માં સંડોવાયેલા છે કે નહિ તે બાબતે એસઓજી પોલીસે વધુ પૂછપરછ તેમજ ગુનો દાખલ કરવા માટે કાર્યવાહી હાથ ધરી છે.SS1MS