ટેક મહિન્દ્રાનું મારવાડી યુનિવર્સિટી સાથે MoU, સ્કિલ-બેઝ્ડ એડવાન્સ ટેક એજ્યુકેશનને મળશે પ્રોત્સાહન
રાજકોટ, 25 મે 2026: ટેક મહિન્દ્રાએ મારવાડી યુનિવર્સિટી સાથે એક એમઓયુ કરીને વિદ્યાર્થીઓને નવી ટેક્નોલોજી અને ઇન્ડસ્ટ્રીની બદલાતી જરૂરિયાતોને અનુરૂપ તૈયાર કરવાની દિશામાં એક નવી પહેલ કરી છે. આ સહયોગનો હેતુ ઇન્ડસ્ટ્રી અને શિક્ષણ ક્ષેત્ર વચ્ચે મજબૂત જોડાણ સ્થાપિત કરીને વિદ્યાર્થીઓને ભવિષ્ય માટે વધુ સક્ષમ અને ઇન્ડસ્ટ્રી-રેડી બનાવવાનો છે.
આ એમઓયુ હેઠળ વિદ્યાર્થીઓને નવી અને એડવાન્સ ટેક્નોલોજી જેવી કે આર્ટિફિશિયલ ઇન્ટેલિજન્સ (AI), મશીન લર્નિંગ, ક્લાઉડ કમ્પ્યુટિંગ, ડેટા સાયન્સ, સાઇબર સિક્યોરિટી, ડેવઓપ્સ, એસએપી, સેલ્સફોર્સ, ઇન્ટરનેટ ઓફ થિંગ્સ (IoT) અને ફુલ સ્ટેક ડેવલપમેન્ટ જેવા ક્ષેત્રોમાં શીખવા અને કાર્ય કરવાની તક મળશે. સાથે સાથે વિદ્યાર્થીઓના કૌશલ્ય વિકાસ, ક્રોસ-સ્કિલિંગ, સહયોગ આધારિત શિક્ષણ અને ઇનોવેશનને પ્રોત્સાહન આપવા માટે એક સેન્ટર ઓફ એક્સેલન્સ (CoE) સ્થાપિત કરવાની પણ યોજના છે.
મારવાડી યુનિવર્સિટીના પ્રો વાઇસ ચાન્સેલર ડૉ. સંજીત સિંહે જણાવ્યું, “આ સહયોગ એવા સમયે થઈ રહ્યો છે જ્યારે દેશભરની ઉચ્ચ શિક્ષણ સંસ્થાઓ એક્સપીરિએન્શિયલ લર્નિંગ અને ઇન્ડસ્ટ્રી ઇન્ટિગ્રેશન પર વિશેષ ધ્યાન આપી રહી છે. આ ભાગીદારીનો મુખ્ય હેતુ વિદ્યાર્થીઓ અને ફેકલ્ટીને વાસ્તવિક ટેક્નોલોજી અને પ્રોફેશનલ વાતાવરણ સાથે જોડીને શૈક્ષણિક અભ્યાસ અને ઇન્ડસ્ટ્રીની અપેક્ષાઓ વચ્ચેનું અંતર ઘટાડવાનો છે.”
આ સહયોગ હેઠળ વિદ્યાર્થીઓને ઇન્ટર્નશિપ, ઇન્ડસ્ટ્રી વિઝિટ, વર્કશોપ, વેબિનાર, સેમિનાર, સ્પર્ધાઓ અને રોજગાર સંબંધિત તકોનો લાભ પણ મળશે, જેના કારણે તેમની ઇન્ડસ્ટ્રી રેડીનેસ અને રોજગાર ક્ષમતાને વધુ મજબૂતી મળશે. ભાગીદારીના અસરકારક સંચાલન માટે સ્ટ્રેટેજિક એન્ડ ગવર્નન્સ બોર્ડ અને પ્રોગ્રામ મેનેજમેન્ટ કમિટી મારફતે એક સંયુક્ત વ્યવસ્થા પણ બનાવવામાં આવશે.
શૈક્ષણિક ઉત્કૃષ્ટતા, એપ્લાઇડ રિસર્ચ અને ટેક્નોલોજી આધારિત ઉકેલોનું પ્રોત્સાહન આપવા માટે બંને સંસ્થાઓ રિસર્ચ, ઇનોવેશન અને સંયુક્ત ઇન્ટેલેક્ટ્યુઅલ પ્રોપર્ટી (IP) ડેવલપમેન્ટ જેવા ક્ષેત્રોમાં પણ મળીને કાર્ય કરશે।
