ડેવિડ ધવનથી નારાજ ગોવિંદાને વરુણ ધવને બર્થ ડે વીશ કરી
મુંબઈ: ૨૧ ડિસેમ્બરે ગોવિંદાનો ૫૭મો જન્મદિવસ હતો. આ દિવસે સોશિયલ મીડિયાના માધ્યમથી ફેન્સ અને બોલિવુડ સેલેબ્સે હીરો નંબર ૧ને શુભકામના પાઠવી હતી. ગોવિંદાને શુભેચ્છા આપનારાઓ પૈકીનો એક એક્ટર વરુણ ધવન પણ હતો.
વરુણ ધવને ઈન્સ્ટાગ્રામ સ્ટોરીમાં ગોવિંદાની આઈકોનિક ફિલ્મ કુલી નંબર ૧ના સેટ પરની જૂની તસવીર શેર કરી હતી. હવે ગોવિંદાએ વરુણની શુભેચ્છાનો જવાબ આપ્યો છે. વરુણ ધવને ગોવિંદાના બર્થ ડે પર ડેવિડ ધવન સાથેની એક્ટરની જૂની તસવીર શેર કરી હતી. વરુણે તસવીર શેર કરતાં લખ્યું હતું, અસલી કુલી નંબર ૧, ગોવિંદાને જન્મદિવસની શુભકામના. વરુણની આ પોસ્ટ પર ગોવિંદાએ લખ્યું છે,
થેન્ક્યૂ બેટા. ઉલ્લેખનીય છે કે, ગોવિંદા અને ડેવિડ ધવને આશરે ૧૭ ફિલ્મોમાં સાથે કામ કર્યિં છે. પરંતુ બંને વચ્ચેના અણબનાવની ખબરો ખૂબ ચર્ચામાં રહી હતી. એક ટીવી શોમાં ઈન્ટરવ્યૂ દરમિયાન ગોવિંદાએ દાવો કર્યો હતો કે, ‘ડેવિડ ધવને મારી સેક્રેટરીને કીધું હતું કે તેઓ હવે મારી સાથે કામ નથી કરવા માગતા.
આ વાતથી ગોવિંદા અપસેટ થયો હતો. ઈન્ટરવ્યૂમાં ગોવિંદાએ એમ પણ જણાવ્યું હતું કે, તેણે ડેવિડ ધવન પાસે ફિલ્મમાં ગેસ્ટ અપિયરન્સ માગ્યો હતો પરંતુ તેના માટે ક્યારેય ફોન જ ના આવ્યો. ગોવિંદાએ રવિવારે રાત્રે પોતાના નજીકના મિત્રો સાથે બર્થ ડે સેલિબ્રેટ કરી હતી. એક્ટરે કહ્યું હતું, મારી પત્નીએ મારા માટે સરપ્રાઈઝ બર્થ ડે પાર્ટીનું આયોજન કર્યું હતું.
જેમાં મારા તમામ મિત્રોને આમંત્રિત કરવામાં આવ્યા હતા. રાજપાલ યાદવ, રવિ કિશન, અરમાન કોહલી, ગણેશ આચાર્ય, શક્તિ કપૂર વગેરે પાર્ટીમાં હાજર રહ્યા હતા. મેં ગણેશ આચાર્ય સાથે મારા ૯૦ના દાયકાના ગીત ‘ગોરિયા ચૂરા ના મેરા જીયા’ પર ડાન્સ કર્યો હતો. આખી રાત અમે પાર્ટી કરી હતી, સવારે ૬ વાગ્યે દૂધવાળો આવ્યો ત્યારે અમે અટક્યા હતા.
