કાર ખરીદતા પહેલા પાર્કિંગની જગ્યાના પુરાવા રજૂ કરવા પડશે

સોસાયટીની આસપાસ રસ્તા પર પાર્કિંગ જગ્યાઓ માટે માસિક તેમજ વાર્ષીક પરમિટ આપવામાં આવશે

અમદાવાદ: અમદાવાદ શહેરમાં વધતા જતી પાર્કિંગની સમસ્યાઓને ધ્યાનમાં રાખીને અમદાવાદ મ્યુનિસિપલ કોર્પોરેશને નવી પાર્કિંગ પોલિસી જાહેર કરી હતી. આ પોલીસ અંતર્ગત શહેરીજનોને કાર ખરીદતા પહેલા પાર્કિંગની જગ્યા હોવાના પુરાવા રજૂ કરવા પડશે. આ પોલિસીથી એક કરતા વધુ કાર ખરીદનાર વ્યક્તિને અસર થવા પામી છે. એએમસીએ સાર્વજનિક ક્ષેત્રોમાં વિસ્તારિત સમય માટે પાર્કિંગને બંધ કરવાનો ર્નિણય પણ કર્યો છે.

પોલીસને એપ્રિલના અંતિમ સપ્તાહમાં રજૂ કરવામાં આવી હતી. જેની જાહેરાત બુધવારે કરવામાં આવી છે. પોલિસી અંતર્ગત સામાન્ય પાર્કિંગ જગ્યાઓ માટે માસિક અને વાર્ષીક પરમિટ આપવામાં આવશે. એએમસીની યોજના આવાસીય સોસાયટીઓની આસપાસ રસ્તાઓ ઉપર અડચણ રૂપ પાર્ક કરેલી કારોને કવર કરવા માટે પાર્કિંગ પરમિટ આપવાની છે. એએમસીએ વધુમાં જણાવ્યું હતું કે, એક કરતા વધારે કારોએ એક પ્રકારે લક્ઝરી છે જેને હતોત્સાહિત કરવાની જરૂરત છે.

જેના પગલે આગામી પગલામાં બીજી, ત્રીજી અને ચોથી કારના રૂપમાં ઉત્તરોત્તર કર લગાવવો પડશે. ઉલ્લેખનીય છે કે કેન્દ્ર અને રાજ્ય સરકારોએ ૨૦૧૭માં નવા નિયમો ઘડવાનો તેમનો ઇરાદો જાહેર કર્યો હતો જે નવા વાહન માલિકોને તેમના માટે પાર્કિંગ વિસ્તાર ઉપલબ્ધ હોવાના પુરાવા આપવા ફરજિયાત બનાવશે.

એએમસી પાર્કિંગની જગ્યાના પુરાવાની માંગ માટે નિયમો અને માર્ગદર્શિકા તૈયાર કરશે. નવી પાર્કિંગ નીતિ પાર્કિંગની જગ્યા વહેંચવા માટે પ્રોત્સાહિત કરે છે. તેમાં જણાવાયું છે કે અમદાવાદમાં પાર્કિંગની જગ્યાની અછત અને પાર્કિંગ સુવિધાઓના અસમાન વિતરણને કારણે ઉપલબ્ધ જગ્યાનો અસરકારક રીતે ઉપયોગ કરવો જ જાેઇએ. નીતિમાં કહેવામાં આવ્યું છે

કે, સીજી રોડ, આશ્રમ રોડ, પાલડી અને અન્ય વિસ્તારોમાં ઓફિસના સમય દરમિયાન પાર્કિંગની માંગમાં ઘણી વખત વધારો જાેવા મળે છે, જ્યારે સપ્તાહના અંતે માંગમાં ઘટાડો થાય છે. ઓફિસની ઇમારતો, શાળાઓ, બેંકો અને વ્યવસાયિક ઉદ્યાનો, મોલ્સ અને ઉદ્યાનોની પાર્કિંગની જગ્યાઓ પણ સપ્તાહના દિવસો અને સપ્તાહના અંતમાં તેમના પાર્કિંગ સ્થાનોના વિવિધ ઉપયોગને દર્શાવે છે.”

નીતિમાં કહેવામાં આવ્યું છે કે માલિકી અને અધિકારક્ષેત્રના મુદ્દાને કારણે તે વિસ્તારના અન્ય વાહનો તે પાર્કિંગનો ઉપયોગ કરવામાં અસમર્થ છે. તે કહે છે કે પાર્કિંગની જગ્યાઓની વહેંચણી દ્વારા અને વાહનો અને પાર્કિંગની માંગની વચ્ચેની અસમાનતાને પહોંચી વળવામાં આવી શકે છે.