કાશી વિશ્વનાથ મંદિરને અજાણ્યા ભક્તે 60 કિલો સોનું ભેટમાં આપ્યું
વારાણસી, એક બેનામી વ્યક્તિએ કાશી વિશ્વનાથ મંદિરને 60 કિલો સોનું દાનમાં આપ્યું છે અને તેમાંથી 37 કિલોનો ઉપયોગ ગર્ભગૃહની અંદરની દિવાલો પર લગાવવામાં કરવામાં આવ્યો છે. Garbh Grih in Kashi Vishwanath Temple has been decorated with 60 kg gold donated by an anonymous Bhakt from South India
મંદિરની મુલાકાત લેતા યાત્રિકોએ ‘ઝારોખા દર્શન’ (દરવાજાની બહારથી દેવતાના દર્શન) દ્વારા પ્રાર્થના કરતી વખતે દિવાલો પર સોનાનો ઢોળ ચઢાવાયેલો નજરે પડ્યો હતો. જ્યારે વડાપ્રધાન નરેન્દ્ર મોદીએ રવિવારે પ્રાર્થના કરી ત્યારે મંદિર પ્રશાસન દ્વારા બહાર પાડવામાં આવી હતી.
ડિવિઝનલ કમિશનર દીપક અગ્રવાલે જણાવ્યું હતું કે, “મંદિરને એક બેનામી વ્યક્તિ પાસેથી 60 કિલોગ્રામ સોનું મળ્યું છે. તેમાંથી 37 કિલોનો ઉપયોગ ગર્ભગૃહની અંદરની દિવાલોને સોનાથી ઢાંકવા માટે કરવામાં આવ્યો છે અને બાકીનું 23 કિલો સોનું મંદિરની અંદરની દિવાલોને મઢાવવા માટે ઉપયોગમાં લેવાશે. મુખ્ય મંદિરના માળખાના સુવર્ણ ગુંબજના નીચેના ભાગને તે આવરી લે છે.”
દાનની દાતાની ઓફરને પગલે, મંદિરના સત્તાવાળાઓએ એ યોજનાને પણ અંતિમ સ્વરૂપ આપ્યું હતું કે દાનમાં આપેલા સોનાનો ઉપયોગ ગર્ભગૃહની આંતરિક દિવાલ અને મુખ્ય મંદિરના ગુંબજના નીચેના ભાગમાં સોનાનો ઢોળ ચડાવવા માટે કરવામાં આવશે. તેવું દાતાએ જણાવ્યું હતું.
અગ્રવાલે જણાવ્યું હતું કે, “દિલ્હી સ્થિત એક ફર્મ આ કામ પૂરું કરવા રોકાયેલી હતી. પેઢીના કારીગરોએ ગર્ભગૃહની કલાત્મક દિવાલોનું તાંબાના પતરા વડે કાસ્ટિંગ કર્યું હતું. તેને દિવાલ સાથે લગાવ્યા બાદ, સોનાનો ઢોળ ચઢાવવાની પ્રક્રિયા કરવામાં આવી હતી. ” 18મી સદી પછી મંદિરના કોઈપણ ભાગને સોનાના આવરણ કરવાનું આ બીજું સૌથી મોટું કામ હતું.
કાશી વિશ્વનાથ ટેમ્પલ (KGT) ના ઈતિહાસ મુજબ, 1777માં ઈન્દોરની રાણી મહારાણી અહલ્યાબાઈ હોલ્કર દ્વારા મંદિરના પુનઃનિર્માણ બાદ, પંજાબના મહારાજા રણજીત સિંહે લગભગ એક ટન સોનું દાનમાં આપ્યું હતું, જેનો ઉપયોગ મંદિરના બે ગુંબજને ઢાંકવા માટે કરવામાં આવ્યો હતો. 18મી સદી પછી, 2017માં ઉત્તર પ્રદેશમાં ભારતીય જનતા પાર્ટી સત્તા પર આવ્યા પછી વડા પ્રધાન દ્વારા મંદિર વિસ્તારના વિસ્તરણ માટેનું મુખ્ય કાર્ય સુનિશ્ચિત કરવામાં આવ્યું હતું.
