કરીનાએ સાસુ અને નણંદ માટે કર્યું ખાસ લંચનું આયોજન

મુંબઈ, પટૌડી પરિવાર એકબીજા સાથે સમય વિતાવવાની એકપણ તક જતી નથી કરતો. શનિવારે સૈફ અલી ખાન અને કરીના કપૂરના ઘરે પટૌડી પરિવારના સભ્યો એકત્ર થયા હતા અને સાથે લંચ લીધું હતું. સોશિયલ મીડિયા પર એક્ટિવ રહેતી એક્ટ્રેસ સોહા અલી ખાને પરિવાર સાથે લીધેલા લંચની ઝલક બતાવી હતી.kareena-organized-a-special-lunch-for-mother-in-law-and-nanand

સૈફની નાની બહેન સબાએ પણ પોતાના ઈન્સ્ટાગ્રામ અકાઉન્ટ પર લંચની તસવીરો શેર કરીને સૌને યાદ કર્યા હોવાની વાત કહી હતી. સૈફ અલી ખાનના ઘરે યોજાયેલા લંચમાં તેના મમ્મી શર્મિલા ટાગોર, બહેન સોહા અલી ખાન અને તેની દીકરી ઈનાયા તેમજ સૈફનો સૌથી મોટો દીકરો ઈબ્રાહિમ હાજર રહ્યો હતો.

કરીના કપૂર નાના દીકરા જેહને તેડીને ઊભેલી જાેવા મળે છે જ્યારે મોટો દીકરો તૈમૂર બડી અમ્મા એટલે કે દાદી શર્મિલાના ખોળામાં બેઠો છે. સૈફ વ્હાઈટ રંગના ઝભ્ભામાં જાેવા મળે છે. આખો પટૌડી પરિવાર સ્ટાઈલિશ લૂકમાં દેખાઈ રહ્યો છે.

સોહાએ આ તસવીરો શેર કરતાં લખ્યું, “ધ પ્રાઈડ (સિંહોનો પરિવાર) (તેમાંથી કેટલાક બાળ સિંહોને બાદ કરી દો). સબા અલી ખાન આ તસવીરમાં જાેવા નથી મળી પરંતુ તેણે ફેમિલી ફોટોની સાથે અન્ય એક ફોટો શેર કર્યો છે.

બીજી તસવીરમાં ઈનાયા મોટા ભાઈ ઈબ્રાહિમને કંઈક ખવડાવતી જાેવા મળી રહી છે. આ તસવીરો શેર કરતાં સબાએ લખ્યું, “ફેમિલી. આ ક્ષણ મારી સાથે વહેંચવા માટે આભાર બહેન. જલ્દી મળીશું.” આ તસવીરો પર કોમેન્ટ કરીને ફેન્સ પટૌડી પરિવાર પર પ્રેમ વરસાવી રહ્યા છે.

આ ફેમિલી લંચમાં સૈફની દીકરી સારા અલી ખાન અને સોહાનો પતિ કુણાલ ખેમૂ સામેલ નહોતા થયા. ત્યારે પરિવારે તેમને યાદ કર્યા હતા. વર્કફ્રંટની વાત કરીએ તો, પીઢ અભિનેત્રી શર્મિલા ટાગોર ફિલ્મ ‘ગુલમહોર’માં જાેવા મળશે. ૧૨ વર્ષ પછી શર્મિલા ટાગોર ફિલ્મી પડદે વાપસી કરી રહ્યાં છે.

ઓટીટી પ્લેટફોર્મ પર રિલીઝ થનારી આ ફિલ્મમાં મનોજ બાજપેયી, સિમરન, સૂરજ શર્મા અને અમોલ પાલેકર જાેવા મળશે. કરીના કપૂરની વાત કરીએ તો તે પણ ઓટીટી ડેબ્યૂ કરવા જઈ રહી છે.

સુજાેય ઘોષની ફિલ્મ ‘ધ ડિવોશન ઓફ સસ્પેક્ટ એક્સ’માં જયદીપ અહલાવત અને વિજય વર્મા સાથે દેખાશે. આ સિવાય કરીના પાસે હંસલ મહેતાના દિગ્દર્શનમાં બની રહેલી ફિલ્મ તેમજ રિયા કપૂરની ફિલ્મ ‘ધ ક્રૂ’ છે. આ ફિલ્મમાં તે તબ્બુ અને ક્રિતી સેનન સાથે જાેવા મળશે. સૈફ અલી ખાન ફિલ્મ ‘આદિપુરુષ’માં રાવણના રોલમાં દેખાશે.SS1MS