પુનાથી ગોધરા આવેલી NIV ટીમે ચાંદીપુરાથી મૃત્યુ પામેલ બાળકીના ઘરેથી સેમ્પલિંગ હાથ ધરાયું

(પ્રતિનિધિ)ગોધરા, ચાંદીપુરમ વાયરસને લઈને પુના ખાતે થી નેશનલ ઇન્સ્ટિટ્યૂટ ઓફ વાયરોલોજી ટીમ ગોધરા સિવિલ હોસ્પિટલ ખાતે પહોંચી હતી અને ડોક્ટરો સહિત આરોગ્ય વિભાગના તમામ કર્મચારીઓ સાથે બેઠક યોજાઈ.બાળરોગ વિભાગના વોર્ડની મુલાકાત લીધા બાદ ગોધરા ના કોટડા ગામે પ્રથમ ચાંદીપુરમ વાયરસનો કેસ મળી આવ્યો હતો તે મકાન ખાતે સેમ્પલિંગ કરી તપાસ હાથ ધરી છે.

પંચમહાલ જીલ્લામાં ચાંદીપુરમ રોગના વધેલા વ્યાપને લઈ રાજ્ય સરકાર દ્વારા એક મહત્ત્વનો નિર્ણય લેવામાં આવ્યો છે અને આ નિર્ણયના ભાગરૂપે આજે નેશનલ ઇન્સ્ટિટ્યૂટ ઓફ વાયરાલોજીના નિષ્ણાંતોની એક ટીમ પંચમહાલ ના પાટનગર ગોધરા ખાતેની પ્રથમ સિવિલ હોસ્પિટલની મુલાકાત લીધી હતી અને તેમા વિશેષ બાળરોગ વિભાગના વોર્ડની મુલાકાત લીધા પછી જીલ્લામાં પ્રથમ કેસ ગોધરા ના કોટડા ખાતે મુલાકાત લીધી હતી.

ઉલ્લેખનિય છે કે કોટડા ખાતેથી સૌથી વધુ રોગ ફેલાવતી માખી મળી આવી હતી અને હાલ પુના ખાતે થી આવેલ ટીમ પણ પ્રથમ કોટડા ની મુલાકાતે છે. ઘરના બાળકોના સેમ્પલિંગ લઈને તમામ મકાનોની તપાસ હાથ ધરી છે. હાલ રાજ્યભરમાં ચાંદીપુરમ રોગને લઈ ભારે હાહાકાર મચ્યો છે અને અત્યાર સુધી પંચમહાલના વિવિધ તાલુકાઓ માંથી ૧૪ જેટલા કેસો મળી આવ્યા છે

અને પાંચ જેટલા બાળકોના મૃત્યુ સરકારી ચોપડે નોંધાયેલા છે અને આ તમામ બાબતોને ધ્યાને લઈ હાલ પુના ખાતેની નેશનલ ઇન્સ્ટિટ્યૂટ ઓફ વાયરોલોજીની ટીમ પંચમહાલમાં ગોધરા ના કોટડા ખાતે કાર્યરત રહીને સેમ્પલિંગની કાર્યવાહી હાથ ધરી છે..