ઈઝરાયેલના PM નેતન્યાહુએ સંરક્ષણ મંત્રીને પદ પરથી હટાવ્યા

જેરૂસલમ, પેલેસ્ટાઈનના આતંકવાદી સંગઠન હમાસની સામેના ચાલું યુદ્ધ દરમિયાન ઈઝરાયેલમાં મોટો રાજકીય ઘટનાક્રમ બન્યો છે. ઈઝરાયેલના વડાપ્રધાન બેન્જામિન નેતન્યાહુએ યુદ્ધની વચ્ચે પોતાના સંરક્ષણમંત્રી યાવ ગેલેન્ટને હટાવી દીધા છે, અને ગેલેન્ટના સ્થાને પૂર્વ વિદેશ મંત્રી કાટ્‌ઝને સંરક્ષણ મંત્રી બનાવ્યા છે.

આ ફેરફાર એવા સમયે થયો છે, જ્યારે ઈઝરાયેલ કેટલાય મોરચે યુદ્ધનો સામનો કરી રહ્યું છે, અને તેના પ્રમુખ સહયોગી દેશ અમેરિકાની રાષ્ટ્રપતિની ચૂંટણીમાં ડોનાલ્ડ ટ્રમ્પ વિજયી બન્યા છે.નેતન્યાહુએ યાવ ગેલેન્ટને હટાવવા માટે ‘વિશ્વાસના સંકટ’નું કારણ આગળ ધર્યું છે, જે હવે ધીમે-ધીમે ગંભીર રહસ્ય બની રહ્યું છે.

નેતન્યાહુએ કહ્યું કે, ‘યુદ્ધની વચ્ચે, વડાપ્રધાન અને સંરક્ષણમંત્રીની વચ્ચે પહેલા કરતા ખૂબ વધારે પૂર્ણ વિશ્વાસની જરુરિયાત હોય છે.’વડાપ્રધાન નેતન્યાહુએ ગેલેન્ટને હટાવવાના પોતાના નિર્ણયમાં વિશ્વાસનું સંકટ અને વ્યુહાત્મક મતભેદોની વાત પણ કહી છે.

નેતન્યાહુના કાર્યાલયે સ્પષ્ટ ઉદ્દેશ્યો વિના હમાસની વિરુદ્ધ આક્રમક અભિયાન ચાલુ રાખવાના ગેલેન્ટના વિરોધ તરફ ઈશારો કર્યાે છે. ગેલેન્ટે નેતન્યાહુના ‘પૂર્ણ વિજય’ના લક્ષ્યની ટીકા કરી છે, અને તર્ક આપ્યો કે તેનાથી ઈઝરાયેલના બંધકોને સુરક્ષિત કર્યા વિના યુદ્ધને લાંબુ ખેંચવું જોખમથી ભરેલો છે.SS1MS