નવજોત સિંહ સિદ્ધૂએ અર્ચનાની ખુરશી પર કબ્જો કર્યો

મુંબઈ, કપિલ શર્માના લોકપ્રિય કોમેડી શોને લઈને એક મોટું અપડેટ સામે આવ્યું છે. નવજોત સિંહ સિદ્ધુ ધ ગ્રેટ ઈન્ડિયન કપિલ શોમાં પાછા ફર્યા છે. સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેમાં સિદ્ધૂ અર્ચનાની ખુરશી પર બેઠેલી જોવા મળી રહ્યા છે.

કપિલ પોતે પણ તેને જોઈને આશ્ચર્યચકિત થઈ ગયો હતો. અર્ચના પુરણ સિંહ કહેતી જોવા મળે છે કે તેની ખુરશી પર કબજો કરી લેવામાં આવ્યો છે.

આવો જાણીએ શું છે સમગ્ર મામલો…મેકર્સ દ્વારા રિલીઝ કરવામાં આવેલા ધ ગ્રેટ ઈન્ડિયન કપિલ શોના નવા પ્રોમોમાં નવજોત સિંહ સિદ્ધુ અર્ચના પુરણ સિંહની ખુરશી પર બેઠેલા જોવા મળે છે. કપિલ તેને જોઈને ચોંકી જાય છે અને પછી કહે છે કે સુનીલ ગ્રોવર હંમેશા સિદ્ધુના વેશમાં આવે છે.

આ પછી સુનીલ ગ્રોવર સિદ્ધુ તરીકે આવે છે અને પછી કપિલ અસલી અને નકલી સિદ્ધુને જોઈને આશ્ચર્યચકિત થઈ જાય છે. પછી અર્ચના પુરણ સિંહ આવે છે, અને કપિલને કહે છે કે ‘સરદાર સાહેબને કહો મારી ખુરશી પરથી ઊભા થઈ જાય, તેઓ કબજો કરી ને બેઠા છે.

શોમાં હરભજન સિંહ પણ જોવા મળે છે જે કહે છે – ‘દુનિયા ગમે તે કહે, કોઈના કહેવાથી કોઈ બુદ્ધુ નથી બની જતું. કોઈ ખુરશી પર બેસવાથી સિદ્ધુ નથી બની જતું.’ આ પછી નવજોત સિંહ સિદ્ધુ હરભજનને ગળે લગાવે છે. સિદ્ધુએ વાસ્તવમાં અર્ચનાની ખુરશી પર કબજો જમાવ્યો નથી, હકીકતમાં તે પોતાની પત્ની નવજોત કૌર સાથે શોમાં પહોંચ્યો હતો.

તેના સિવાય ક્રિકેટર હરભજન સિંહ પણ તેની પત્ની ગીતા બસરા સાથે જોવા મળે છે. આ બધું અર્ચનાની ટીખળ છે. તે જ સમયે, પ્રોમો જોયા પછી, દર્શકો આ એપિસોડના સ્ટ્રીમ થવાની રાહ જોઈ રહ્યા છે.SS1MS