ગોધરામાં ખુલ્લા કોમન પ્લોટમાં બે નવજાત બાળકો મૃત હાલતમા મળી આવતા ચકચાર
(પ્રતિનિધિ) ગોધરા, ગોધરા શહેરના ભૂરાવાવ ડબગરવાસ વિસ્તારમાં આવેલી એક ખુલ્લી જગ્યામાં કળિયુગ ની માતાએ પોતાની કરેલા પાપ છુપાવવા જન્મેલા નવજાત બે બાળકો ફેકી ગયાની ઘટનાને કારણે ચકચાર મચી જવા પામી છે.
સ્થાનિકો દ્વારા આ મામલે પોલીસને જાણ કરવામા આવતા પોલીસ તાત્કાલિક ઘટના સ્થળે પહોંચી અધૂરામાંસે જન્મેલા બે નવજાત બાળકો કબજો મેળવી વધુ તપાસ હાથ ધરી છે.
પંચમહાલ જીલ્લાના ગોધરા શહેરના ભુરાવાવ વિસ્તારમાં આવેલા ડબગર વાસ ખાતે એક કોમન પ્લોટ માં કોઈ નિર્દય માતાએ અધૂરા માસે જન્મેલા બે નવજાત શિશુ ફેંકી જવાની ઘટના થી ચકચાર પ્રસરી જવા પામી છે. રાત્રિના અંધકારમાં કોઈ અજાણી વ્યક્તિએ કોમન પ્લોટ માં નવજાત શિશુને ફેંકી જવાની ધટના ની જાણ થતા સ્થાનિક લોકોએ તાત્કાલિક પોલીસને જાણ કરવામા આવી હતી.
પોલીસે ઘટના સ્થળ ઉપર આવી નવજાત શિશુને કબજે લઈ વધુ તપાસ હાથ ધરેલ છે. નવજાત શિશુ કોણ ફેંકી ગયું તે દિશામાં પોલીસે તપાસની ધમધમાટ શરૂ કર્યો છે.બીજી બાજુ ગોધરા શહેરના ભુરાવાવ વિસ્તારમાં આવેલ ડબગર વાસ ખાતે બે અધૂરા માસે જન્મેલા નવજાત શિશુને ફેંકી જતા લોકટોળાઓ જેવા ઉમટી પડ્યા હતા.
બીજી બાજુ અધુરા માસે જન્મેલા બે નવજાત શિશુને આ રીતે ફેંકી જતા સ્થાનિક લોકોમાં રોષની લાગણી ફેલાઈ છે. આ નવજાત શિશુને ફેકી જનાર અજાણી વ્યક્તિ ઉપર કાયદેસરની કાર્યવાહી હાથ ધરવામાં આવે તેવી માગ ઉઠવા પામી છે.
