કોલગર્લના ચક્કરમાં ફસાયેલા યુવાનની કડી પાસેની કેનાલમાં મોતની છલાંગ

મહેસાણા, અમદાવાદના બાવળામાં પત્ની તેમજ બે દીકરી સહિત સંયુક્ત પરિવારમાં રહેતા યુવાનને કોલગર્લને શોખ ભારે પડ્યો હતો. આજથી એકાદ મહિના અગાઉ હોટેલમાં રોકાયેલા યુવાનને કોલગર્લના દલાલે બ્લેકમેલ કરતાં તેણે કંટાળી કડી તાલુકાના રંગપુરડા ખાતે આવેલી નર્મદા કેનાલમાં છલાંગ લગાવી આપઘાત કરી લીધો હતો.

આ ઘટના અંગે મૃતક યુવાનના ભાઈની ફરિયાદના આધારે કડી પોલીસે કોલગર્લના દલાલ સામે ગુનો નોંધી વધુ તપાસ હાથ ધરી હતી. અમદાવાદના ઓઢવમાં એસપી રીંગ રોડ સ્થિત માધવ ઓર્સીડમાં રહેતો હાર્દિક હર્ષદભાઈ ઠાકર પોતાની સાથે સ્નેહલ નામની કોલગર્લને રાખી પોતાના મકાનમાં દેહ વેપારની પ્રવૃત્તિ ચલાવતો હતો.

આ કોલગર્લના સંપર્કમાં છેલ્લા કેટલાય સમયથી અમદાવાદના બાવળામાં પત્ની તેમજ બે દીકરી સહિત સંયુક્ત પરિવારમાં રહેતા તુષાર ગુણવંતભાઈ પગી હતા.

પાછળથી કોલગર્લ સાથે વધુ નીકટતા થતાં તુષારે તેણીને ગત ૧૨મી મેની રાત્રે હાર્દિક ઠાકરને અજાણ રાખી અમદાવાદના થલતેજમાં આવેલી હોટેલ શાલિગ્રામમાં બોલાવી હતી. આ અંગે કોલગર્લના સાથીદાર હાર્દિક ઠાકરને તે જ રાતે જાણ થતાં મોબાઈલમાં તેણે તુષાર સાથે ચેટ કરી વિવાદ કર્યાે હતો.

ત્યારબાદ હોટેલ શાલિગ્રામ પહોંચી કોલગર્લ સાથેના સંબંધોની જાણ તેના ઘરે કરવાની ધમકી તુષારને આપી હતી. સામાજિક પ્રતિષ્ઠાને હાનિ પહોંચવાના ભયથી તુષાર ભયભીત બન્યો હતો.

કોલગર્લ અને તેના દલાલ હાર્દિકને વારંવાર આજીજી કર્યા બાદ પણ ધમકી આપવામાં આવતાં ડ્રિપેશનમાં આવી ગયેલા તુષારે છેલ્લી વખત વોટ્‌સએપના ફેમેલી ગ્›પમાં મેસેજથી સંપર્ક કરી આપઘાતનો સંકેત આપ્યો હતો.ત્યારબાદ તુષાર પગી હોટલથી નીકળી પોતાની કાર નં. ય્ત્ન-૩૮-મ્હ્લ-૦૧૫૦ લઈ કડીના રંગપુરડા ગામ પાસેની નર્મદા કેનાલ પાસે પહોંચ્યો હતો અને તેણે કંટાળી કેનાલમાં પડી મોતને વ્હાલું કર્યું હતું. મૃતક યુવાનના પરિવારજનોને તેની લાશ શોધખોળ બાદ નર્મદા કેનાલમાં તરતી મળી આવતાં પોલીસને જાણ કરાઈ હતી.

કડી પોલીસે મૃતક યુવાનના ભાઈ રાકેશભાઈ પગીની ફરિયાદના આધારે મરવા માટે દુષ્પ્રેરણ કરનાર કોલગર્લના દલાલ સામે ગુનો નોંધી વધુ તપાસ઼ હાથ છે.SS1MS