મેડોકના સ્ત્રી યુનિવર્સની હોરર કોમેડીમાં હવે રણવીરની એન્ટ્રી

મુંબઈ, મેડોકનું હોરર કોમેડી યુનિવર્સ ધીરે ધીરો મોટું થઈ રહ્યું છે, જે રીતે રોહિત શેટ્ટીનું કોપ યુનિવર્સ અને યશરાજનું સ્પાય યુનિવર્સ છે, તેમ હવે સ્ત્રીનું હોરર કોમેડી યુનિવર્સ પણ દેશમાં ઘણું લોકપ્રિય થઈ રહ્યું છે. હવે તેમાં રણવીર સિંહ પણ જોડાયો છે.હવે એવા અહેવાલો આવી રહ્યા છે કે રણવીર માટે દિનેશ વિજાન વધુ એક હોરર કોમેડી પ્રોડ્યુસ કરી રહ્યા છે.

હોરર કોમેડી યુનિવર્સમાં રણવીરની આ પહેલી એન્ટ્રી છે આ અહેવાલોથી જ મેડોક અને રણવીરના ફૅન્સ ખુશ થઈ ગયાં છે. મેડોકની આગળની ફિલ્મ ‘સ્ત્રી’, ‘રુહી’, ‘ભેડિયા’ અને ‘મુંજ્યા’ની જેમ આ ફિલ્મમાં પણ થ્રિલ અને કોમેડી બંને હશે.

છેલ્લે ૨૦૨૩માં રણવીરની ‘રોકી ઔર રાની કી પ્રેમ કહાની’ આવી હતી, આમ તેની કોઈ ફિલ્મ જોવા મળી હોય એને બે વર્ષ થઈ ગયાં છે, જો કે વચ્ચે તેની એક ઝલક ‘સિંઘમ અગેઇન’માં મળી હતી. પરંતુ તે હિરો હોય એવી ફિલ્મને બે વર્ષ થઈ ચૂક્યા છે. એવું લાગે છે કે તે કોઈ મોટા પ્રેજેક્ટ સાથે જોડાવા જઈ રહ્યો છે. રણવીર સિંહ પહેલાંથી જ આદિત્ય ધરની ‘ધુરંધર’માં કામ કરી રહ્યો છે.

તેના પછી તેની પાસે વધુ એક મોટી ફિલ્મ છે. આ અંગે સુત્રના જણાવ્યા અનુસાર, “રણવીર મહેબુબ સ્ટુડિયોમાં કોઈ સ્પેશિયલ પ્રોજેક્ટ માટે કામ કરી રહ્યો છે.” દોકે, સુત્રએ આ ઉપરાંત કોઇ માહિતી આપી નહીં. રણવીર સાથે ધુરંધરમાં અર્જૂન રામપાલ, સંજય દત્ત, અક્ષય ખન્ના અને આર માધવન પણ છે. આ ઉપરાંત તે ‘ડોન ૩’માં પણ કામ કરી રહ્યો છે, આ ફિલ્મ ફરહાન અખ્તર બનાવશે.

આ બે ફિલ્મ અંગે તો જાહેરાત થઈ ચૂકી છે. એ ઉપરાંત તે શક્તિમાન કરશે એવી ચર્ચાઓ પણ અવાર નવાર થયા કરે છે. પરંતુ આ અંગે હજુ કોઈ કન્ફર્મેશન મળ્યું નથી.SS1MS