સાયબર ગુલામીમાં યુવાનોને ધકેલનારા ચાર સામે ગુનો નોંધાયો

અમદાવાદ, ચાઇનીઝ સાયબર માફિયા સાથે ભેગા મળી બેંગકોક, મ્યાનમાર તથા કંબોડિયા જેવા દેશોમાં ભારતમાંથી યુવાનોને સાયબર ઠગાઈના દળદળમાં નાખનારા ચાર આરોપી સામે ગુનો નોંધી તે પૈકીના બે આરોપીને સાયબર સેન્ટર ઓફ એક્સલન્સની ટીમે ઝડપી લીધા છે.

બેંગકોક, મ્યાનમાર તથા કંબોડિયા જેવા દેશોમાં ચાલી રહેલા સાયબર ઠગાઈના કોલ સેન્ટરોમાં ગુજરાતીઓને વિદેશમાં નોકરીની લાલચ આપી આરોપીઓ તેમને સાયબર ગુલામીમાં ધકેલી દેતા હતા.સાયબર સેન્ટર ઓફ એક્સેલન્સના એસ.પી. રાજદીપસિંહ ઝાલાની ટીમને ૈં-૪સી દ્વારા માહિતી આપવામાં આવી હતી.

આ માહિતીનું ટેકનિકલ એનાલિસિસ કરતા હકીકત ખૂલી કે ગુજરાતના કુલ છ વ્યક્તિ, જેમાંથી ચાર શખ્સો તેમના એજન્ટ સાથે મળી, વિદેશમાં ઊંચા પગારની નોકરીની લાલચ આપી લોકોને થાઈલેન્ડ, મ્યાનમાર, કંબોડિયા તથા લાઓસ જેવા દેશોમાં મોકલતા હતા.

ત્યારબાદ ત્યાં પહોંચેલા લોકોને બંધક બનાવી તેમના પાસપોર્ટ સહિતના દસ્તાવેજો છીનવી લેવામાં આવતા અને પછી તેમને મ્યાનમારના સરહદી વિસ્તારમાં લઈ જવામાં આવતા. ત્યાં ચાઇનીઝ સાયબર માફિયા દ્વારા નોકરીની લાલચે આવેલા યુવકોને સાયબર ઠગાઈના કોલ સેન્ટરોમાં ધકેલી દેવામાં આવતા.

અહીં વિવિધ મોડસ ઓપરેન્ડી દ્વારા સાયબર ઠગાઈ કેવી રીતે આચરવી તેની ટેકનિક શીખવવામાં આવતી અને તેના બદલામાં તેમને પગાર પણ ચૂકવવામાં આવતો હતો.ઝડપાયેલા બંને આરોપીઓ ગુજરાતમાં એવા યુવાનોની શોધખોળ કરતા, જેમને અંગ્રેજી સારી રીતે બોલતા આવડતું હોય અને વિદેશમાં નોકરી કરવાની ઇચ્છા ધરાવતા હોય.

તેના બદલામાં તેમને કમિશન આપવામાં આવતું હતું. વધુમાં, જે યુવકો સાયબર ઠગાઈના કોલ સેન્ટરમાં જોડાઈ જતા, તેઓ દ્વારા આચરવામાં આવેલી ઠગાઈમાંથી પણ ધ્›વ ડોબરિયા અને કૌશિક પેથાણીને કમિશન મળતું હોવાનું પોલીસ તપાસમાં બહાર આવ્યું છે.SS1MS