ઇન્ડિયન ઇન્સ્ટિટ્યૂટ ઓફ પબ્લિક હેલ્થ ગાંધીનગર દ્વારા બે નવા ઇન્ટિગ્રેટેડ અભ્યાસક્રમોની શરૂઆત

ગાંધીનગર, આરોગ્ય ક્ષેત્રમાં કારકિર્દી બનાવવા ઇચ્છુક વિદ્યાર્થીઓ માટે આ શૈક્ષણિક વર્ષથીઇન્ડિયન ઇન્સ્ટિટ્યૂટ ઑફ પબ્લિક હેલ્થ ગાંધીનગર (IIPHG)ખાતે બે નવા અભ્યાસક્રમો INTEGRATED MASTER OF PUBLIC HEALTH (B.Sc. MPH) અને INTEGRATED MASTER OF HOSPITAL ADMINISTRATION (B.Sc. MHA) શરૂ કરવામાં આવી રહ્યા છે.

ઇન્ડિયન ઇન્સ્ટિટ્યૂટ ઑફ પબ્લિક હેલ્થ ગાંધીનગરની સ્થાપના વર્ષ2008માં ગુજરાત સરકારઅનેપબ્લિક હેલ્થ ફાઉન્ડેશન ઑફ ઇન્ડિયા (PHFI)ની સંયુક્ત પહેલ હેઠળ કરવામાં આવી હતી. સંસ્થા જાહેર આરોગ્ય શિક્ષણ, સંશોધન અને તાલીમ ક્ષેત્રે રાષ્ટ્રીય સ્તરે પ્રતિષ્ઠિત સંસ્થા તરીકે જાણીતી છે અને આરોગ્ય ક્ષેત્રમાં ગુણવત્તાસભર શિક્ષણ આપવા માટે પ્રતિબદ્ધ છે.

આજના સમયમાં આરોગ્ય સેવા ક્ષેત્ર ઝડપથી વિકસતું ક્ષેત્ર બની રહ્યું છે અને આવનારા સમયમાં હેલ્થકેર ક્ષેત્રમાં પ્રશિક્ષિત તથા કુશળ માનવસંસાધનની માંગ સતત વધતી જશે. આવા સમયમાંINTEGRATED MASTER OF PUBLIC HEALTH(B.Sc. MPH) અનેINTEGRATED MASTER OF HOSPITAL ADMINISTRATION(B.Sc.MHA) જેવા અભ્યાસક્રમો વિદ્યાર્થીઓને આરોગ્ય વ્યવસ્થા, હોસ્પિટલ વ્યવસ્થાપન, જાહેર આરોગ્ય અને હેલ્થ સિસ્ટમ વિશે વ્યાપક તથા વ્યવહારૂ જ્ઞાન આપશે, જે તેમને ભવિષ્યમાં વિવિધ હેલ્થકેર સંસ્થાઓમાં ઉત્તમ કારકિર્દી બનાવવા માટે મદદરૂપ બનશે.આ સમગ્ર કોર્સ એકેડેમિક વર્ષ 2026–27 થી શરૂ કરવામાં આવશે.

ધોરણ 12 પાસ કરેલા વિદ્યાર્થીઓઆ અભ્યાસક્રમોમાં પ્રવેશ માટે અરજી કરી શકે છે. આરોગ્ય ક્ષેત્રમાં રસ ધરાવતા અને સમાજ સેવા સાથે પોતાની કારકિર્દી બનાવવાની ઇચ્છા ધરાવતા વિદ્યાર્થીઓ માટે આ એક ઉત્તમ તક છે.

પ્રવેશ સંબંધિત માર્ગદર્શન અને કાઉન્સેલિંગ માટે રસ ધરાવતા વિદ્યાર્થીઓ અને વાલીઓસોમવારથી શુક્રવાર સવારે 9:00 થી 12:00 વાગ્યા સુધીસંસ્થામાં આવીને માહિતી મેળવી શકે છે.

વધુ માહિતી માટે કૃપા કરીને વેબસાઇટhttps://iiphg.edu.in/પર મુલાકાત લો.