બીજું ભારતીય LPG જહાજ ‘નંદા દેવી’ હોર્મુઝની ખાડીમાંથી સુરક્ષિત પસાર થયું

‘નંદા દેવી’ જહાજ 46,000 મેટ્રિક ટનથી વધુ લિક્વિફાઇડ પેટ્રોલિયમ ગેસ (LPG) લઈને આવી રહ્યું છે-બે દિવસમાં મુંબઈ અથવા કંડલા બંદર પર પહોંચે તેવી શક્યતા

નવી દિલ્હી, 14 માર્ચ (IANS): અમેરિકા-ઇઝરાયેલ યુદ્ધ વચ્ચે ઈરાને ભારતીય ધ્વજ ધરાવતા ટેન્કરોને હોર્મુઝની સામુદ્રધુની (Strait of Hormuz) માંથી સુરક્ષિત પસાર થવાની મંજૂરી આપ્યા બાદ, ‘શિવાલિક’ ટેન્કર સફળતાપૂર્વક આ માર્ગ ઓળંગી ગયું છે. હવે બીજા LPG જહાજ ‘નંદા દેવી’ પણ આ મહત્વપૂર્ણ તેલ માર્ગમાંથી સુરક્ષિત રીતે બહાર નીકળી ગયું છે.

સરકારી સૂત્રોએ શનિવારે જણાવ્યું હતું કે, ‘શિવાલિક’ જહાજને ભારતીય નૌસેના દ્વારા એસ્કોર્ટ કરવામાં આવી રહ્યું છે અને તે આગામી બે દિવસમાં મુંબઈ અથવા કંડલા બંદર પર પહોંચે તેવી શક્યતા છે. આ જહાજ હવે ખુલ્લા સમુદ્રમાં પહોંચી ગયું છે અને નૌસેનાના માર્ગદર્શન હેઠળ સુરક્ષિત રીતે આગળ વધી રહ્યું છે.

An Indian flagged vessel, Shivalik, and 2nd ship nandadevi carrying gas, is crossing the Strait of Hormuz without escort. The Indian naval warships in the vicinity are on standby: Sources

દરમિયાન, ‘નંદા દેવી’ 46,000 મેટ્રિક ટનથી વધુ લિક્વિફાઇડ પેટ્રોલિયમ ગેસ (LPG) લઈને આવી રહ્યું છે, જે ભારતની ઉર્જા પુરવઠા શૃંખલા માટે અત્યંત મહત્વપૂર્ણ છે. સૂત્રોના જણાવ્યા અનુસાર, વ્યૂહાત્મક રીતે સંવેદનશીલ આ જળમાર્ગમાંથી સુરક્ષિત અવરજવર સુનિશ્ચિત કરવા માટે નૌસેનાના જહાજો બંને જહાજો પર નજીકથી નજર રાખી રહ્યા છે.

• રાજદ્વારી સફળતા: વડાપ્રધાન નરેન્દ્ર મોદી અને ઈરાનના રાષ્ટ્રપતિ મસૂદ પેઝેશ્કિયન વચ્ચેની ઉચ્ચ સ્તરીય વાતચીત બાદ આ માર્ગ મોકળો થયો છે.

• ભારત-ઈરાન મિત્રતા: ભારતમાં ઈરાનના રાજદૂત મોહમ્મદ ફતાલીએ શુક્રવારે સંકેત આપ્યો હતો કે ભારત અમારો મિત્ર હોવાથી આ મુશ્કેલ સ્થિતિમાં અમે સહયોગ કરી રહ્યા છીએ. તેમણે કહ્યું, “તમે બે-ત્રણ કલાકમાં પરિણામ જોશો. ભારત અને ઈરાન આ ક્ષેત્રમાં સમાન હિતો ધરાવે છે.”

• હોર્મુઝનું મહત્વ: હોર્મુઝની સામુદ્રધુની વિશ્વના સૌથી મહત્વપૂર્ણ શિપિંગ લેન પૈકીની એક છે, જ્યાંથી વિશ્વના 20% તેલ અને ગેસની નિકાસ થાય છે.

• ભારતીય જહાજોની સ્થિતિ: બંદર અને શિપિંગ મંત્રાલયના જણાવ્યા અનુસાર, પર્સિયન ગલ્ફ ક્ષેત્રમાં 28 ભારતીય ધ્વજ ધરાવતા જહાજો કાર્યરત છે, જેમાં કુલ 778 ભારતીય નાવિકો સવાર છે. આ તમામની સુરક્ષાનું સક્રિયપણે નિરીક્ષણ કરવામાં આવી રહ્યું છે.