દાનહ લાયન્સ ઈંગ્લિશ મીડિયમ શાળામાં પદગ્રહણ સમારોહ યોજાયો

(પ્રતિનિધિ)વલસાડ, સેલવાસની લાયન્સ ઈંગ્લીશ મીડિયમ શાળામાં પદગ્રહણ કાર્યક્રમનું આયોજન કરવામાં આવ્યું હતું. કાર્યક્રમનો શુભારંભ ઉપસ્થિત મહેમાનોના હસ્તે દીપ પ્રાગટ્ય કરવામાં આવ્યો હતો. ત્યારબાદ હેડ બોયના પદ પર માધવ હેડાને અને ગર્લ્સના પદ પર ચૈતન્યા નામ્બિયારને નિયુક્ત કરવામાં આવ્યા હતાં. અધ્યક્ષ દ્વારા હેડબોય અને હેડગર્લને શપથ લેવડાવ્યા હતા. જે રીતે કોઈપણ દેશને સારી રીતે ચલાવવા માટે સંવિધાનની જરૂર પડે છે તે જે રીતે આ સંસ્થાને સારી રીતે ચલાવવા માટે અનુશાસનની આવશ્યકતા પડે છે. હેડબોય અને હેડ ગર્લ્સને સૌગંદનામા પર સહી કરાવવામાં આવી હતી.
સત્ર ૨૦૧૮-૧૯ના વિદ્યાર્થીઓ દ્વારા ૨૦૧૯-૨૦ના વિદ્યાર્થીઓ અને વિદ્યાર્થીનીઓને એમનો કાર્યભાર સોંપવામાં આવ્યો હતો. ત્યારબાદ અધ્યક્ષ અને ઉપાધ્યક્ષ દ્વારા વિદ્યાર્થીઓને પ્રોત્સાહિત કરવામાં આવ્યા હતાં.

આ અવસરે શાળાના ચેરમેન ફતેહસિંહ ચૌહાણ, ઉપાધ્યક્ષ એ.ડી.નિકમ, સચિવ દેવદાસ શાહ, નારાયન, સમિતિના સભ્ય હીરાભાઈ પટેલ, જયેન્દ્રસિંહ રાઠોડ, શાળાના આચાર્ય, શિક્ષકો સહિત વિદ્યાર્થીઓ ઉપસ્થિત રહ્યા હતાં.*